الخميس، 9 ديسمبر 2010

حكايتي مع الايام(8)

اخدت ليها العذر في كتير من اعمالها واقول عشان الحمل معلش وصبرت بس كان في حاجات مقدرتش افهمها زي مثلا اول زياره لستي بعد الجواز وهي ست كبيره ما حضرتش الفرح وانا متربي في بيتها وكانت فترة جامعتي معاها لفت انتباهي شئ غريب  وبعد ما خرجنا من عندها سالت عليه هو انتي ليه وانت ماشيه ماسلمتيش عليها ردت عليا عادي وبعدين احنا مش مسافرين احنا قاعدين جنبها بس الاصول يا بنتي بتقول غير كده بتقول انك قاعده مع ناس وانت ماشيه تسلمي معلش ما اخدتش بالي سكت وقلت ولا يهمك ابقي خدي بالك بعد كده.
تاني زياره اتكرر نفس الموقف وسالت نفس السؤال كان الرد اصلي ظهري واجعني شويه والاغرب ان تالت مره حصل نفس الكلام روحت ناده عليها وقلت ليها ستو مدت ايدها ليكي معقول برده ده من اثار الحمل.
وبرغم حجة مش قادره وتعبانه اللي ظهرت لما قلت ليها ننزل كفرالشيخ ولما عمي عزمنا نفطر عنده ورفضت لنفس الحجه الا انها يوم 22 رمضان طلبت منى وقالت انها عايزه تنزل كفرالشيخ كنت لسه رايح الشركه الجديده بقالي اسبوع قلت ليها مش هينفع انا لسه رايح الشغل الجديد اول حاجه هعملها اطلب اجازه ردت عليا خلاص مش مشكله انزل لوحدي اصلي زهقانه وتعبانه قلتلها ماشي بدل ماتقعد وتقرفني ورجعت بعد يومين قلت ليها يارب تكوني استريحتي قالت اه سالتها عملتي ايه بقى في اليومين قالت وانا رايحه نزلت في طنطا وبابا جه هناك هو والجماعه ورحنا فطرنا في مطعم قريب من البحيره وتاني يوم رحت كشفت عند دكتور هناك وخلاص هتابع معاه ازاي تتابعي مع دكتور في كفرالشيخ وانت قاعده هنا في القاهره والحكايه كان ليها اصل ؟؟
انا عمي دكتور واغلب العيله بتتابع معاه ومراته دكتوره في جامعة القاهره قسم نسا وانا مطمن ليه وكانت لسه بنت عمي هو اللي عملها عملية الولاده قبل زواجي بفتره قليله وكنت عارف ان هو بيروح ليها كتير البيت ولو مش فاضي بيبعت ممرضه ليها غير متابعتها الشهريه العاديه وكنت بحاول اقنعها بس عشان من طرفي يبقى لا طبعا مع اني كنت عايز راحتها واتكلمت معاها كتير .
ويوم الوقفه جه والدي ووالدتي والعيله عشان يقضوا العيد كالعاده في بيت العيله مع ستي وقعدت والدتي معايا لوحدنا وسالتني هو في حاجه جديده انت زعلتها تاني قلتلها لا عادي الجو ماشي اشمعنى بتسالي هي قالت ليكي حاجه قالت ليا لا بس اصلها لما نزلت كفرالشيخ المره اللي فاتت راحت هي وامها لطنط ام وائل وقعدت تشتكي ليها سالتها بتشتكي من ايه مقالتش حاجه معينه بس قالت خلي اسامه ياخد باله وهي عقلها صغير قلت ليها يا ماما خلاص ولاكأنك عرفتي حاجه وماتتكلميش معاها في حاجه وهي كانت ماشيه عادي مش عشان مشكله او حاجه والعيد بكره ولا بعد بكره كل سنه وانت طيبه وفعلا والدتي ما اتكلمتش ولا فتحت سيره وانا كنت مستني لما هي تحكي لوحدها  وكنت بقول في بالي  طيب هي ليه مقالتش على المشوار ده  وبعدين احنا اصلا مفيش حاجه امال ليه راحت ده لسه كانت قاعده تتحايل عليا اتكلم مع امها واقول كل سنه وانت طيبه وانا عشان هي ماتزعلش وبرده عشان مايحصلش احتكاك مابيني وبين امها بعت ليها رساله كل سنه وانت طيبه بشكل ظريف ورقيق

هناك 29 تعليقًا:

غير معرف يقول...

ربنا يسعد ايامك ...
متابع

سواح في ملك اللــــــــــــــــــه- يقول...

فترة الترويض
ايكما يروض اخر
فكرني مثل قديم ان سر قوة المراة
في ضعفها
وهي هنا ليست ضعيفة
ولكن لجات للاستضعاف حتي تحكم
قبضتها زائد الحمل زائد وصايا
طرف تاني كوالدتها او اختها
او احد صديقا تها لتطويعك وتشكيلك
تحياتي

غير معرف يقول...

ربنا يوفقوا مع بعض :)

انا ماعرفش غير ادعيلكم الصراحه .... بس اعتقد ان دي مشاكل بدايه الجواز

يعني كبر دماغك وماتركزش :)

تحياتي

غير معرف يقول...

استحالة طبعا تقولك انها كانت بتشتكى منك وهى لاتطاق الصراحة واكيد فيها حاجة مش مظبوط ولا اييييييييييييييييييية الصيدلى هيثم جمال

غير معرف يقول...

استحالة طبعا تقولك انها كانت بتشتكى منك وهى لاتطاق الصراحة واكيد فيها حاجة مش مظبوط ولا اييييييييييييييييييية الصيدلى هيثم جمال

Dr/ walaa salah يقول...

بصراحه مش عارفه اقولك ايه

مراتك تصرفاتها غريبه اوي ويارب ما اكون بظلمها عشان مشيلش ذنبها

بس مش يمكن يا اسامه اهلها غصبوها للجواز منك عشان كده مش قابله اي حد من اهلك


او يمكن تكون كانت مدلعه اوي في بيت اهلها

بصراحه اسئله كتير اوي بدور في مخي


اصل مش معقول هنقول انها بتعمل كده عشان عقلها الصغير

في بنات اصغر منها وفاتحين بيوت وماشيين كويس بدون مشاكل


على العموم لغاية دلوقتي انت ماشي صح مع العلم عشان اكلمك بصراحه


انا بقول بيني وبين نفسي مش معقول يكون رد فعلك بالشكل ده

يعني عشان اوضحلك قصدي

ساعات بقول اكيد اتنرفزت عليها مره

اصلك ماشي هادي اوي معاها يا اسامه وبتسامحها مره واتنين وتلاته وده متعودناش عليه من الرجاله وخصوصا في مواقف زي اللي بتعملها مراتك


على العموم هستنى الباقي ويارب يصلح الحال بينكم مش عشانكم بس عشان الطفل اللي جاي اللي ملوش ذنب في مشاكلكم

Noha Saleh يقول...

ممكن تكون انت بتزعلها ومش بتاخد بالك
ممكن حتى تكون حاجات صغيرة وانت بتتصرف على طبيعتك وهى بتزعل
دايما الزوجات بتزعل من حاجات كتير وازواجهم بيستغربوا انهم زعلانين ويفضلوا يدوروا على السبب
هى مش هتبقى زعلانة وبتشتكى طول الوقت كده لوحدها او حابة مثلا تبين انها مظلومة
هو انا بس بقول انها كان المفروض تتكلم معاك فى الاول وتلفت نظرك
وبعدين تشتكى
بس انت لو ركزت شوية ممكن توصل لاسباب شكوتها
اسفة على التطويل

dodoeltaiba يقول...

اسامه ازيك يارب تكون بخير
انا متابعه للنهايه ورأى هيكون فى النهاية ويارب خير

ツSmiLeY AnGeLツ يقول...

السلام عليكم
زي ماقالت ممتك عقلها صغير
والله ماني عارفه اقول ايه
لسه هستنى القصه تكمل فيها غموض البنت دي
تقبل مروري
سلامي ليك اخي.

eng_semsem يقول...

الحب الجميل
ربتا يسعد ايامنا كلنا انا وانت واخواتنا المدونين والمسلمين جميعا

eng_semsem يقول...

سواح في ملك الله
انا معاك في كل اللي انت بتقوله بالظبط وده كان احساسي بالظبط وكنت خايف من كده واعتبرني سمعت نصيحتك من قبل ما تقولها وشكرا على متابعتي

جايدا العزيزي يقول...

اسامه

انا مع الاخ سواح

ضعف المرأة قوة

وقوتها ضعف

اعد ترتيب افكارك وحساباتك

وسعيده جدا برد فعلك الذى يثبت لى حسن اخلاقك

اتابع

تحياتى

eng_semsem يقول...

دكتور هيثم
بس انا كنت مستني على الاقل انها تقول انا رحت عند فلانه على الاقل
واشكرك على متابعتي

eng_semsem يقول...

dr/walaa
المساله مش مسالة سن خالص انا من تجربتي انها تربيه وقدوه وسلوك قبل السن والغلم اه ممكن دول يفرقوا بس مش زي تاثير الاهل والبيت وانا اتنرفزت مره واحده اللي انا حكتها وانا هادي بطبيعتي مش معاها هي بس
وبالنسبه لعصبية الرجاله ليها عذرها عشان ضغوط الشغل والمعيشه وفي وقت بيبقى مستني كلمه عشان يطلع اللي جواه ولو صبرت الست بعدها عشر دقايق هيكون هدي وممكن يرجع ويهدى
وبشكرك جدا على متابعتي وانا بستنى تعليقك دايما

رحاب صالح يقول...

اولا أنا بجد خجلانة منك
لاني حسيتك زعلت مني عشان تعليق اللي فات , بس بجد اتنرفزت جدا من تصرفاتها دي ومش قادرة بجد افهم انت مستحمل ده ازاي ....وبالنسبة لغيابي والله غصب عني ...انا بقيت انسي انا دخلت مدونة مين ومدخلتش مدونة مين
وكمان بدأت مذاكرة ولسة مش عارفة حاجة في الكتب ولا حتي فتفوتة ...

تعرف ....اختي اكبيرة بتقولي دايما اني عشان لسة متجوزتش مش فاهمة الحياة الزوجية كويس ...بس برضه انا دايما اقول ان التفاهم هو اساس الجواز وانتم الاتنين مش متفاهمين خالص ...وبصراحة بقي مش حكاية حمل او غيره هي تصرفاتها بجد غريبة جدا جدا
ده من وجهه نظري ...
وحتي لو الزوجين مختلفين بيكون في تفاهم وبعدين احنا في مجتمع شرقي يعني مينفعش اني اخرج من غير ما اقول لزوجي انا رايحة فين ...وبيتفق الزوجين علي الدكتور المتابع للحمل ثم ان الموصلات في حد ذاتها مشكلة خطيرة علي الحمل فإزاي هي تروح لدكتور يتابعها في طنطا وهي مستقرة في القاهرة ...؟!!!
ده عجيب فعلا
انا بجد مش مستوعبة حياتك ابدا ابدا
بتمني المرة دي بجد تكون مش زعلان مني انا بجد زعلت من نفسي اووي بس بجد الكلام نرفزني والافعال خرجتني عن شعوري
تقبل اسفي ....وربنا معاك

Carmen يقول...

استاذ اسامة
بجد مش عارفة اعلق اقول ايه بس كده بجد في حاجة غلط مش معقول كل ده من الباب للطاق كده

eng_semsem يقول...

noha
اختي العزيزه لا طولتي ولا حاجه بس اناسالتها اكتر من مره ايه الاسباب وفي جزء قبل كده سالت والدتي لما اتكلمت معاه والست اللي كلمتها كل دول ملقوش كلام يقوله ليا يبقى متهيالك في سبب يستاهل كل النكد ده وبعدين الناس ده انا مااشتكتش ليهم يعني مايعرفوش حاجه وماظهرتش في الاخر مظلومه قدامهم يعد كل حكاياتها

eng_semsem يقول...

dodo
انا الحمد لله بخير وكويس وبالنسبه لتعليقك منين ما تحبي تكتبي حاجه اكتبيها وشكرا على متابعتي

eng_semsem يقول...

خواطري مع الحياه
يععني انت رايك من راي ماما وعقلها صغير واشكرك على متابعتي واقتربت المشكله من حلها تابعيني

eng_semsem يقول...

جايدا العزيزي
اختي في الله جايدا لقد نوهت الى سواح اني معاه في كلامه واشكرك على ما قلتيه عندي
واشكرك على المتابعه

eng_semsem يقول...

rehab
مفيش حاجه تستاهل الاعنذار لاني فعلا مش زعلان منك اصلا ورايك حتى لو كان ضد رايي انا لازم اقبله وبعدين انا مش شايف انك قلتي حاجه تدل على انك مش فاهمه الحياه الزوجيه ويعدين العلاقه مابين الراجل ومراته قريبه من علاقة اي اتنين اصحاب بس حدودهم اوسع شويه يعني لو واحد صاحبي عمل معايا كده كنت مش هكلمه بس مراتي لازم يبقى الوضع مختلف عشان احافظ على البيت اللي قعدت عمري احلم بيه وان كنت انت اتنرفزتي مره ان اتنرفزت عشره
وبنا يقويكي في مذاكرتك وفي حياتك بعد كده
ووجودك معانا هو اللي انا محتاجه مش اسفك
شكرا على وجودك

eng_semsem يقول...

karmen
اناسالت والدتي والست جارتهم عن الاسباب ملقوش حاجه يقولوها ليا يعني لو هي قالت حاجه لوالدتي مش اكيد لازم كانت والدتي تحذرني منها وتنبهني
بشكرك على متابعتي والجزء اللي جاي هتلاقي اجابات كتيره

eng_semsem يقول...

karmen
اناسالت والدتي والست جارتهم عن الاسباب ملقوش حاجه يقولوها ليا يعني لو هي قالت حاجه لوالدتي مش اكيد لازم كانت والدتي تحذرني منها وتنبهني
بشكرك على متابعتي والجزء اللي جاي هتلاقي اجابات كتيره

وداد يقول...

بصراحة يا استاذ اسامة من غير زعل

دي انسانه مستفزه

ماشية بدماغها

المفروض اصلا متروحش في مكان غير لما تقولك

مش بعد ما تروح تقولك

دا غير انها لسه مقلتش على مشوار الست ام وائل دي كمان

بص بقى المفروض بعد العيد ما يخلص تفتح معاها الموضوع وتزعق لها انها متكررش حاجة زي دي تاني

يمكن اكون قاسية شوية عليها

بس انا مش بحب الست إللي بتلغي الزوج من حياتها

دا المفروض يكون اول وآخر اهتمامها

eng_semsem يقول...

اختي وداد
انا كنت بقول كده برده بعد العيد نقف ونحط النقط على الحروف على القصص اللي انا مش شايفها ولا فاهمها
شكرا على متابعتي اختي وداد

Tears يقول...

فى كثير من الدول يطلبوا قبل الزواج من الزوجين الخضوع لكشف طبى نفسى عشان يتاكدوا ان الاتنين اسيوياء من ناحية و من ناحية اخرى من مدى توافقهم النفسى

غير معرف يقول...

ربنا يسعد ايامك ...

eng_semsem يقول...

مدونة الامل
ويسعد ايام جميع المسلمين

eng_semsem يقول...

tears
انت قصدك احنا عايزين نتعالج نفسيا ولا مفيش توافق نفسي تابعيني وفي الاخر احكمي مش يمكن انا مش عارف اتعامل مع حد في الدنيا وانا بس اللي فيل المشكله