السبت، 23 أكتوبر، 2010

صدام حسين

قررت انسى موال الانتخابات وكان اللي فكرني بيها ميعادها اللي قرب وكنت بفتكر اللي حصل السنين اللي فاتت عشان خايف انه يتكرر تاني .
ورجعت بيا الايام واحنا قاعدين بنحتفل مع العجل بليلة العيد ومتجمعين ورحنا الصبح صلينا العيد وراجعين ندور على الجزار عشان يجي وندبح العجل وناكل اللحمه عشان نخرج ونتفسح ويدوب رجعنا من الصلاه ولاقينا التلفزيون جايب لينا اعدام صدام معقول اكيد في حاجه غلط ازاي يعدموا صدام في يوم العيد لا مش صدفه اكيد ليها معنى كبير. 
كان موت صدام رساله بس مش لينا المره ده كانت للملوك والرؤساء العرب كانت رسالة تحذير اي واحد هيفكر يكبر علينا هيكون اضحيه واي رئيس هيفتكر انه ممكن يتكلم ويقول اللي احنا مش عاوزينه هيحصله اللي حصل لاخوكم .
ويا سلام على اختيار التوقيت واكيد كان بعد تخطيط  وكأنهم بيقولوا انتم يا مسلمين بتذبحوا الحيوان واحنا يوم ما هنضحى هنضحى بانسان عربي  ومش اي واحد لازم يكون ملك او سلطان .
والغريب ان التصريحات بعد كده جت جبانه وكانهم بيقولوا خلاص وصل كلامكم واحنا اسفين لو ضايقناكم ومش هنعمل زي صدام وهنعمل اللي انتم عايزينه ومش هنخالف الاوامر.
انا مش هحاسب صدام ولا هقول هو كان طيب او كويس او وحش بس هو زي غيره على الاقل يا ترى في كام رئيس يستهلوا الموته ده وهنبقى فرحانين بس ياريت ما يبقاش بايدي الامريكان .

هناك 22 تعليقًا:

karmen يقول...

فعلا كانت صدمة للجميع
رسالتهم وصلت واتعمل بها زي مانت قولت
وكمان رسالتك وصلت ويارب الكل يقدر يعمل بها
يسلم فكرك
خالص احترامي وتقديري
¥k¥

karmen يقول...

فعلا كانت صدمة للجميع
رسالتهم وصلت واتعمل بها زي مانت قولت
وكمان رسالتك وصلت ويارب الكل يقدر يعمل بها
يسلم فكرك
خالص احترامي وتقديري
¥k¥

همسات وبحــ الحياه ــر يقول...

انا اتصدمت اول ماسمعت الخبر
اكيد زى ماانت بتقول ان مفيش حاجة بتكون كدا لازم تكون متخطط ليها وكمان ليها معنى ورساله

سعيده جدا بوجودك فى المدونة
انا نزلت حلقه جديدة من القصه :)
ونزلت بوست جديد فى دموع القمر
علفكرة كل خواطرى ليس لها علاقه تمام بحياتى :) بس قدرى كدا ان اى حد يقرأ كلامى يقول انه عليا :)
دمت بكل خير

شهرزاد يقول...

اخي العزيز
هو انت يوم ماتفتح الغرفة تفتح على الذكريات السيئة هههه
اه اه
اعدام الرئيس صدام حسين كان ولازال وسيبقى وصمة عار على جبين رؤساء الدول العربية المعاصرين له
سيتذكرهم التاريخ الحق باحتقار
مع حق فاعدامه في ذلك اليوم بالذات هو رسالة تحمل في طياتها انكم يا عرب انتم اضحياتنا فلا تستعجلوا
لاندري على مين الدور يا ترى؟؟؟؟
سلم قلمك وعودة ميمونه

سواح في ملك الله- يقول...

عندك حق بس انا اعتقد ان السبب في موت صدام هو صدام نفسه وهقوللك ليه كان عليه حصار اقتصادي وبعدين سمح للجان التفتيش الدوليه تدخل العراق ويدمروا كل ماعنده من اسلحه بحجه خطورتها علي العالم حتي لو صواريخ مداها 150 كيلوا متر يعني بالعربي سلمهم ايديه عشان يقصقصوا ضوافره واداهم الامان

جمهورية فوضى يقول...

أنا رأيى ان ال22 _مش هم 22 برضه أصل أنا بنسى _ المهم كلهم عايزين يتعدمو بس ان شاء الله احنا اللى حنعدمهم مش أمريكا

جايدا العزيزي يقول...

الف رحمه ونور عليه

حقا كان رجل اعتز به واحترمه جدا

بكيت عليه كما لم ابكى على اغلى الناس عندى

معاك حق بس ياترى الروساء قدروا

يفهموا الرساله

موضوع رائع

اشكرك

تحياتى

جنون عـبقري يقول...

أحسن ما عملت .. الواحد مش ناقص وجع دماغ من الانتخابات ..

وربنا يرحم موتانا وموتى المسلمين .. فقد كانت اللقطة ذل وعار على أمة محمد

eng_semsem يقول...

معقوله يا اصدقائي مفيش رئيس عربي يستاهل يعيش كلهم يستاهلو الموت وكلنا زعلنا على موت صدام وحسينا بالذل والعار طيب الرؤساء الافاضل كان احساسهم بالخوف اكتر من العار

السُـلطانة يقول...

السلام عليكم ورحمة الله وبركاته ..

رحمه الله .. ما أكثر رسائل المهانة التي أمرها علينا الغرب .. فوصمات العار لم يعد لها مكان من كثرتها ..

بارك الله فيك وجزاك الله خير الجازء أخي في الله

أم هريرة (lolocat) يقول...

السلام عليكم ورحمة الله

آآآآآآآآه يا اخى
عدت بكلامك لهذه اللحظات المريرة الصعبة
وكأن صدام كان ضحية العيد فعلا
تعرف والله ماحبيت صدام فى يوم من الايام ولا كرهته لانه كان زيه زى غيره من الحكام العرب مايفرق كتير بس احنا فى مصر بنقول انا واخويا على ابن عمى ...
ما احزننى هذه الطريقة البشعة المخزية التى تركنا بها الامريكان الانجاس ليتحكموا فى اخواننا وابناء عمومتنا لاحول ولاقوة الا بالله
وكان مشهد اعدامه شرف له لصموده فى هذه اللحظة

وعلى فكرة اخى انا من قناعاتى الشخصية ان كل حكام العرب عايزين عملية إحلال وتجديد لينصلح الشأن العربى كله

(ياريت تدوروا لنا على عمر بن عبد العزيز اكون شاكرة لكم الافضال ) ^-^

تحياتى لك ودمت بخير اخى الفاضل

Tears يقول...

كلهم يستاهلوا الموته دى بايدى شعوبهم لانهم بيحكموا بالعافية و ماحدش انتخابهم و لا مريحيين الناس

بس اللى يدخل مدونتك و يشوف الصورة اللى فوق يفتكرك من مؤيدى الديكتاتورية فغالبا مش ح يكون متشجع يقرأ و يكتشف ان ده مش صح و انك مع العدل

تحياتي

الحب الجميل يقول...

الله يرحمة ويرحمنا جميعا
اسعدت بوجودك فى مدونتى
تحياتى

eng_semsem يقول...

عمر ابن عبدالعزيز مش راجع ولو رجع هيلاقي اللي هيتامروا عليه ويقتلوه وعشان يخرج زيه لازم يكون موجود في الاصل وده الشخصيات اللي الحكومات العربيه بتحاربها .
وانا كتبت في المدونه انا مش بحاكم صدام واقول هو كان كويس او وحش انا عايز احاكم اللي اعدمه واهان كل العرب في الحكم والميعاد

ابو فارس يقول...

أعجبني سردك لقصة صدام
فعلا ما تقول

تقبل مروري

Haytham Alsayes يقول...

فكرتني بيوم صعب بكيت فيه
بالرغم انني اعتقد يقينا انه كان ديكتاتورا اصيلا كغيره من حكام العرب
ولكن مات بطريقة بشعة
وكانهم يخرجون لسانهم الينا ويقولون ها قد قتلناه في عيدكم

ربنا يصلح الاحوال

re7ab.sale7 يقول...

تعرف
انا دايما اقول ان التاريخ عندنا مشوه , ولسة فاكرة انا المشهد ده واليوم ده واد اية قلت احنا دول عربية مستهان بيها الي ادني درجة , تعرف في الوقت ده خرج كتير من الناس والكتاب وتالمثقفين وحتي رؤساء دول وبرضه ناس بسطاء بانه شهيييد, وناس قالت يستاهل , ومثقفين وكتاب قالوا لاء صدام بجد راجل في زمن عز فيه الرجال , برغم كل شيء لا ننكر انه دكتاتور ولقي جزاء لا نتمناه لالد اعدائنا , ولكن يبقي ان جميع دول العرب والمسلمين مهانة وملطة بالطين وبكل ما هو دنس وقذر لانهم لم يعدلوا حقا ويأمروا بما امر الله
تحياتي بشدة لكل مرة ادخل فيها مدونتك

mero moonlight يقول...

طبعا كلام كله مظبوط بس يا ترى الروساء التانيين خافوا بعد الحركه دى
و لا من قبلها بكتير
بس على الاقل قالولهم نهايتهم هتبقى ايه لما يفكروا بس يعترضوا

علاء سالم يقول...

السلام عليكم

موضوع جميل بجد أحييك عليه
و صدام كانت له أخطاؤه كأي إنسان يخطئ ويصيب
ولكن مميزاته وإنجازاته وما كان يمثله في رأيي أنها كان أكبر وأكثر بكثير من أخطاؤة

Dr/ walaa salah يقول...

الدور جاي جاي متقلقش

وطالما اننا وقفنا نتفرج على اضحية العيد واحنا ساكتين

في يوم من الايام هيكون الاضحيه واحد مننا


مشكووووووووووور

BNT ELISLAM يقول...

احترامى
لك لانك لماح عرفت توصل الىعاوز تقوله بفكره وحدث



فعلا حسبى الله
بس مين يتعلم ومين يفهم
شكرا على زيارتك
فى مدونتى


وفى انتظارك
دايما

الغاردينيا يقول...

مش كانهم كذا مفهموش شئ !

الرسالة وصلتنا احنا بس هههه

بوست في الصميم

سلمت يمناك