السبت، 9 أكتوبر 2010

تعارف

هابدأ كلامي بالصلاه والسلام على اشرف الانام وافضل خلق الله سيدنا محمد عليه  الصلاة والسلام
                                              اما بعد ,,,,,
انا اخوكم في الدنيا وصحيح ظلمتني الدنيا شويه فحبيت اطلع حاجات مكتومه جوايا وبحب اقرا بعد كده كل اللي كتبته واحاسب نفسي واحب الناس تحاسبني عشان اعرف صحي من غلطي وبرده  بشكي ليكم همومي بس يارب تلاقوا وقت عشان تعرفوا تسمعوني ومنكم اتعلم واكيد هتفيدوني .
بس ياريت تسامحوني لو مره طولت في كلامي او مره قصرت في حضوري عشان بقفل عليا الباب واحب استمتع بسكوني واحيانا احاول افتح الباب الاقي باب من تاني فبرجع تاني لسريري واقول احسن هخرج ليه ده في بره وحوش واقفين واحيانا تتخفى في صورة بشر بس على مين انا هنا قاعد ليوم الدين واكيد هيحصل حاجه من الاتنين يأما هموت في مكاني وارتاح وممكن برده تموت الوحوش وانا على طووول هفتح بابي بس ياريت حد يبلغني انهم ماتوا عشان اعرف واقوم افتح بابي اللي اتقفل عليا من سنين.

هناك 7 تعليقات:

أبو العريف يقول...

انا جاي اقولك قوم

قوم يا عم

يا عم قوم

الوحش اللي عضك موتناه



اولا مبروك المدونه يا باشا

ثانيا نورت عالم التدوين

احكي وقول وانا هنا علي قاعد مستني

بس انت تقول وياريت لو بس متزهق مني



افتح بابك واطلع بره سريرك يمكن تلقي

حد تاني زيك وتقدر معاه تحس بأمان

غير معرف يقول...

بالتوفيق ان شاء الله :)

تحياتي

شهرزاد يقول...

يشرفني ان اكون اول اشتراك
مرحبا بك في عالم التدوين
افتح بابك كي يسمع صوتك
ابدا لم يكن الاختباء حلا
تشجع واصرخ وكلنا اذان صاغية
بالتوفيق انشاء الله

من كل بستان زهرة يقول...

مبروك المدونة
قول كل الي جواك
وانا بأكدلك انك هتلاقي هنا أحسن ناس

تحياتي

eng_semsem يقول...

شكري الخاص الى صديقي ومن ساعدني لاضع رجلي على بداية الطريق الى ابو العريف اللي عرفني الطريق

eng_semsem يقول...

الى شهر زاد قد زادني شرفا ان تكوني اول المشتركين ودعمكم لي سيكون دافعي لاسير خارج الباب

شمس العصارى يقول...

مجتمع المدونيين نور اكيد
بس نصيحة متفتحش الباب
اسمع من وراه بس او افتح شراعة بس ههههههههههههه
ساقرا المقال اتانى ان شاء الله