الثلاثاء، 19 أكتوبر، 2010

الانتخابات 2005

رجعت من اول الطريق من تاني وقلت لنفسي الحياه مش طريق مسدود ممكن تتغير بايدينا وجت انتخابات 2005 مجلس الشعب وقبلها كانت كل محطات التلفزيون شغاله صوتك امانه يا مواطن لازم نسمعه 
رجال الحزب الوطني كلها بتتكلم لازم المواطن وده حقه صوته امانه وبيه هتتغير مصر حتى الشيخ طنطاوي جه في حديث الروح وقال صوتك امانه يا مصري والساكت عن الحق شيطان اخرص.
انا قلت خلاص الدنيا اتغيرت قلت اجرب حظي المره ده واكيد مش هخسر كتير رحت ادور على البطاقه الانتخابيه معرفتش اجيبها وقالوا خلاص ده وقت انتخابات وكان ليا واحد صاحبي عمه مرشح الحزب الوطني جاب ليا كارت عليه صورته وفي ظهر الكارت لاقيت اسمي ورقم اللجنه ورقم كمان قلتله كده تمام.
نزلت الصبح بدري وقلت شكلها هتبقى زحمه الحق بدري بدري رحت لاقيت الدنيا هاديه استغربت وخفت ادخل سالت قالوا ليا ادخل وكان في ظابط على الباب سالني فين بطاقتك؟؟ طلعت بطاقتي قالي يا سلام بطاقتك الانتخابيه يا حبيبي؟؟
عملت اهبل ومش فاهم وطلعت الكارت 
راح قايل ليا طيب ما كان من الاول ايوه انا عايزها عشان مصلحتك بعد كده ابقى طلع بطاقتك الانتخابيه الكارت ده هنمشيه المره ديه ولجنتك فوق هناك
قلت يا سلام هي ده مصر يا جدعان الراجل خايف اني لما ادخل ممكن ما تكونش لجنتي وممكن اتوه معرفش فين اسمي بس عرفت اني لسه في مصر على طووول جه ورايا واحد ومربي ذقنه وساله نفس السؤال طلع كارت تاني لمرشح تاني قال ليه الظابط ما ينفعش ده انتخابات مش داخل طابور عيش وطرده بعيد عن اللجنه المهم دخلت وانتخبت وبصراحه مفيش حد قال ليا اعمل او ما تعمليش انا اخترت اللي انا عايزه ورجعت على البيت وانا فرحان اخيرا عملت حاجه في البلد ده وفتحت نشرة الاخبار وكنت مستني يجيب صورتي ويعلقوا على حالة الانشكاح اللي كنت فيها لكن للاسف جت حاجه تانيه خالص لاقيت ضرب نار وخناقات ومدارس محاطه بالقوات ممنوع الدخول يا حضرات وسالوا قاضي رد عليهم قال انا وظيفتي ان اللي يجي اللجنه ينتخب بدون تهديد ويختار اللي هو عاوزه
سالوه انت ما سالتش نفسك مفيش حد دخل ليه والدنيا زحمه تحت
ده مش نطاق مسئولياتي  
وكانت نتيجة الانتخابات اكتر من مائتين مصاب و150 حالة تحرش وقليل من حالات الاغماءات نتيجة ضرب المخبرين لبعض المواطنين وتم القبض على خمسين عضو من الجماعه المحظوره وبعد التزويرات الصغيره من اجل ظبط الاداء
انا اقتنعت خلاص ومش هتكلم في الموضوع ده تاني طول حياتي وياريت نريح الحكومه ونطالب بالغاء الانتخابات خالص والحكومه تعين اللي هي عايزاه عشان نحافظ على اخواتنا في الشارع ونعيش وخلاص..
صحيح هو يا ترى الشيخ ليه ماقلش اللي يكتم صوتنا ويمنعنا يبقى حكم الدين فيه ايه؟؟؟     

هناك 22 تعليقًا:

karmen يقول...

موضوع مهم جدا سمسم
الاصوات بيشتروها وشوية يفركوها وبرضه اللي عاوزينه بينجحوه
وبعدين ولا هو هنا
حتي لو حد كويس اما بينجح مابيبقاش كويس للاسف الا من رحم ربي

موضوع الكلام فيه مش هيخلص
لفت نظر هايل واسلوب رائع
تسلم ايدك
¥k¥

سندباد يقول...

قصدك اي شيخ اللي ينصحك ؟
اللي بيطلعوا يفتوا في التلفزيون
ولا بيهتفوا بحياة الريس
؟؟؟؟؟؟؟؟؟؟

عــلاء ســالـــم يقول...

السلام عليكم
بجد انا نفسي أفهم لما هي كده كده ماشيه بمزاجهم ليه بقى حكاية صوتك أمانه والكلام دا ؟؟
:(

Noha Saleh يقول...

مش كل الناس فعلا بتروح تنتخب
انا واحدة من الناس اللى جاتلى بطاقة انتخابية بالصدفة البحتة انا ماكنتش عاوزاها
واستعملتها مرتين وبس

Sonnet يقول...

ما أشبه الليلة بالبارحة بخصوص الانتخابات
ربنا يستر

Sonnet يقول...

شكرا جزيلا على الزيارة و التعليق
اتابع المدونة
مع تحياتي
****

جنون عـبقري يقول...

يا ساتر استر هي كدا بقت الانتخابات عندكم الحمد لله إننا لم نسمع عن هذا المصطلح إلا من بعيد فقط !!!

ربنا يعينكم يارب .. تحياتي لك أخي في الله

يوميات شحات يقول...

شكرا على البوست

re7ab.sale7 يقول...

مساء الوروووود
انا عارفة كل الكلام ده وكلنا مرينا بيه او عايشناه بشكل او باخر بس ما دمنا عايشين في الدنيا دي لازم نحاول نغير كل الغلط اللي فيها ومننساش ان دينا اي كان الدين ده حث علي الصدق وربنا قال اننا لازم نواجه الظلم ونقف قصاده باي شكل ومننساش كلام الرسول الكريم لما قال من رأي منكم منكرا فليغيره بيده فإن لوم يستطع فبلسانه فمن لم يستطع فبقلبه وذلك من اضعف الايمان ...مينفعش اقول اني مش موافقه علي ده بقلبي بس ...عارفة ان كلامي يمكن ميعجبش ناس كتير بس انا مش هقول انا ثورية ولا سياسية ولا اي شيء ...هقول بس اني انسانة حابة تعيش صح ...تقبل مروري

eng_semsem يقول...

اوكي يا جماعه كلنا متفقين ان اللي بيحصل مهزله واحنا احيانا نكون ممثلين ولينا دور فيها طيب لما مفيش مصداقيه في الترشيح او في التصويت يبقى ليها نعملها اصلا والمقروض اللي ينجح يخش مجلس الشعب عشان يمون ليه تاثير في قضايا المجتمع طيب والحكومه بتنجح اللي هي عايزاه عشان يقول اللي هي عايزاه يبقى لازمته ايه مجلس الشعب كمان طيب ما تختصر الحكومه وتعين اللي هي عايزاه او تلغي مجلس الشعب كمان وتعمل اللي هي عايزاه على طووول
اللي بيحصل دلوقتي اسمه ضحك على الذقون

mrmr يقول...

بعد قراءه تعليقك يا اسامه
عايزه اقول انه ما ينفعش الحكومه ترشح اللى هى عايزاه ولا تشكل مجلس الشعب على مزاجها كده يتهموها بانها دوله مش ديمقراطيه
والدول الاوربيه والعالم كله يتهموها بالديكتاتوريه فلازم يكون فى انتخابات وكمان لازم نشيع عنها انها انتخابات نزيها وبدون اى تدخل حكومى ولا ضغط من الحكومه وبعدين كل المرشحين بيشتروا الاصوات وبرضوا الحكومه بتعمل اللى عايزاه وكله بالفلووووس اللى مش ممكن تربح النفوس
وكفاياك بقى كده لحسن انا مش بحب اتكلم فى السياسه
هههههه

جايدا العزيزي يقول...

دائما كتاباتك تروقنى

اشعر احيانا انها ساخره

وكثيرا ما ينزف قلمك لجراحنا

بس حكايه الانتخابات بالنسبالى مجرد كذبه

موضوع رائع لانه فى الصميم

اشكرك

تحياتى

فتاه من الصعيد يقول...

هههههههه

ايه السؤال الغريب ده :) ؟

عموما ربنا يجعلها اخر الانتخابات :))

تحياتي

أبو العريف يقول...

ازيك يا اوس اوس

هي بتتكتب ازاي دي

المهم

كل انتخابات وانت طيب

وبعدين مالك ومال الانتخابات

خليك هنا يا مان

هو انت ناقص مشاكل لما حامل هم مصر واللي ف مصر

جمهورية فوضى يقول...

لا وإيه دا الانتخابات اللى فاتت كانت تعتبر غاية فى النزاهة بالنسبة للى حيحصل السنة دى
بس حننزل برضه علشان نقرفهم ونزهقهم

شيرين سامي يقول...

تقريباً دي نفس المره الوحيده اللي رحت إنتخبت فيهاهههه
موضوع مهم و كوميديه سوداء
تحياتي ليك

eng_semsem يقول...

التجربه في حدذاتها نجاح وحتى لو انتهت بالفشل لازم يبقى في جانب ايجابي للموضوع ممكن الانتخابات ده وصلت ليهم قد ايه الشعب مش عايزهم

Dr/ walaa salah يقول...

انت لسه كان عندك امل في الانتخابات


انسى خلاص اعتبرها مسرحيه هزليه خلينا نتفرج عليها من بعيد لبعيد وخلاص



مشكووووووووووور وفي انتظار جديدك

أم الأندلس الحبيب يقول...

حسبي الله ونعم الوكيل .. لا تحزن أخي في الله فإن الله مع الصابرين .. جزاك الله خير الجزاء.

سيدات الحجاز ونجد يقول...

مهازل الانتخابات في عالمنا العربي كله أخينا في الله أصبحت أضحوكة العرب .. ولم يعد لها أي مصداقية أو احترام لرغيات الشعوب .. نجاك الله منها .. آمين.

وسعدنا بتشريفك لنا .. تحياتنا.

قهوة بالفانيليا - شيماء علي يقول...

لله أعلم ايه اللي هيحصل المرة دي .
أدينا مستنيين ..!!

الغاردينيا يقول...

ههههههههه

انا معنديش بطاقة انتخابيه حتى يومنا هذا...

بجد بوست جميل جداااااااا

تحية