الخميس، 28 يونيو 2012

قوتنا في وحدتنا



في اول ثورتنا كان طموحنا واحلامنا تعديل النظام تحسين الاوضاع ولم يكن يتوقع ان تكون تلك النهايه منذ البدايه ان تكون الثوره نهاية دولة الفرعون وهو من صنع نهايته هو من اختار تلك النهايه بظلم امتد ثلاثون عاما وكان الرد  والاجابه على الشعب عندما ثار انك لا تستحق حريتك وستظل قابعا داخل سجني وسأستخدم طرق العذاب حتى تعود الى ثباتك وخوفك مرة اخرى ولكن كان طغيانه سبب في صحوة الكثير .
أستخدم العنف لقتل الثوره استخدم العصيان وقنابل الغازات ومدرعات وقوافل من الجنود لصد الثوار واعلان دولة الظلم قويه لا تخشى الشعب وتأخر في الاستجابه فزاد الاصرار على التغيير وتحقيق الحريه نشرت الشائعات وشملت كل كبير وصغير كل جماعة او حزب من اجل تفتيت الجمع ولكن هذا الجمع قد اتفق على اقامة دولة العدل ومحو دولة الظلم والظلام .
بدأت قافلة الشهداء وينضم اليها يوم بعد يوم المزيد ولكن لا ينحنى الابطال فدماهم فدى الاوطان يرفعون شعار اموت حرا ولا اعيش ذليلا في وطني وكانت رصاصات الغدر تأتيهم من كل الاتجاهات ولم تكن تسال هل انت من الاخوان ؟هل انت ليبرالي الفكر؟ ام انك من جماعة 6 ابريل ؟ لم تكن تنظر للايادي هل منقوش عليها صليب ام انه مسلم كان القتل عقاب لمن يقف في وجه الطغيان دون االنظر الى افكاره او ديانته .
لم ينزل الثوار باختلاف افكارهم من اجل ان يجعلوا فلانا رئيسا وقدم الشهداء ارواحهم من اجل صناعة الحريه للوطن والاهل لا من اجل رئيس او شخص كانوا يريدون دولة ديمقراطيه يطبق العدل فيها على كل فئات الشعب دون النظر الى اللون او الجنس او الدين .
كان يقف مينا بجوار محمد ومطلبهم واحد ولم يختلفوا واحتفلوا معا بالنصر كان يصلي المسلم ويقف اخوه القبطي يحمي ظهره من غدر الظالم كان يقف الشيخ حاملا مصحفه بجواره القسيس حاملا صليبه ولم يتنازعوا فحصدوا وحصلوا على ما تمنوا .
وعاش من عاش وتبقى لنا نصر لابد من الحفاظ عليه لان من صنعه دماء اخي الذي قدم روحه هدية من اجل الوطن ولن نتنازل عن حقوقنا ولن نصنع فرعونا اخر بل سنساعده على النهوض ببلدنا وان اخطا نكون درعا يحميه ويحمي بلادنا من الخطا باعلان خطئه ومعارضته .
حب الوطن مزروع في قلبنا وكلنا بنحبها اكتر من نفسنا وان شاء الله تتقدم بينا ونصنع مجد تتوارثه الاجيال .
انا بحبك يا بلادي 

هناك 22 تعليقًا:

رؤى عليوة يقول...

دى الروح اللى لازم تكون موجوده بينا عشان نقدر نبنى ونمسح ذل 30 سنه

الفتن والشائعات المفروض تنتهى ونفضل كلنا ايد واحده

الميدان اجمل ذكرى
وسيظل

اراد الله بنا خيرا الحمد لله



دمت بخير

ليلى الصباحى.. lolocat يقول...

وعاش من عاش وتبقى لنا نصر لابد من الحفاظ عليه لان من صنعه دماء اخي الذي قدم روحه هدية من اجل الوطن ولن نتنازل عن حقوقنا ولن نصنع فرعونا اخر


مفيش تعليق بعد الجملة دى
لانها تحمل خلاصة قناعاتنا كلنا واملنا

جزاك الله خيرا اخى على الدعوة الطيبة وهذا واجب كل مصرى فى المرحلة القادمة لو بنحب مصر

تحياتى وتقديؤى

BNT ELISLAM يقول...

ربنا يصلح حالنا وحال البلد اللهم امين
ويكتبلنا دايما النصر والغلبه
وربنا يديمها امان واطمئنان

أحمد أحمد صالح يقول...

جميلة جدا تدوينتك اللي فكرتنا بالروح اللي لازم تفضل عايشة جوانا..و دايما متفائلين و الامل مش هيغادرنا أبدا..و بكرة ان شاء الله أحسن..أسعد دوما بوجودي هنا..تحياتي.

شمس النهار يقول...

لحد النهاردة كل مااسمع الاغنية دي ابكي

انت لخصت حاجات كتير

حنين محمد يقول...

صباح الغاردينيا
وستبقى دعواتي لمصر لأنها جزء من قلبي
حفظكم الله من كل شر وكتب لكم أيام أجمل في حضن ام الدنيا "
؛؛
؛
لروحك عبق الغاردينيا
كانت هنا
Reemaas

eng_semsem يقول...

رؤى عليوه
طول ما كل واحد فينا بيفكر يقرب من اخوه اللي ممكن يكون مختلف معاه في الافكار هنقدر نعدي وان شاء الله هنعدي
اهلا بيكي

eng_semsem يقول...

ليلى الصباحي
ان شاء الله هتستمر المسيره وهيستمر العمل لا من اجل شخص ولكن من اجل اقامة دولة العدل
اهلا بيكي

eng_semsem يقول...

BNT ELISLAM
ان شاء الله ربنا هيصلح احوالنا ويجعلنا نسير للافضل دوما
اهلا بيكي

eng_semsem يقول...

احمد احمد صالح
طول ما الامل موجود في القلوب هنعرف نكمل ونبني وطننا الغالي من جديد ايد واحده كلنا
اهلا بيك وتسعدني زيارتك

eng_semsem يقول...

شمس النهار
انا كمان بحب الاغنيه ده جدا ودايما بحس بمسئوليه على كتفي وان مش هضيع حق اخويا اللي استشهد عشان انا اعيش
اهلا بيكي

eng_semsem يقول...

ريماس
كتب الله لنا ولكم الخير وسائر بلاد المسلمين
يسعدني دوما توجدك
اهلا بيكي

هبة فاروق يقول...

ستبقى قوتنا فى وحدتنا باذن الرحمان
وسيظل الميدان له ذكرى غاليه فى قلوبنا
جزاءك الله خيرا اخونا اسامه

كريمة سندي يقول...

شعار جميل لحكم أجمل بإذن الله .. فمن اختاره الشعب وبرضاه غير من يفرض نفسه بالقوة الجبرية مبروك لنا جميعا هذه الخطوة المباركة تحية ود وإعجاب

حواء يقول...

دوام الحال من المحال يارب كل واحد يتعلم الدرس وماتاحدش العزة والغرور اول ما يدوق حلاوة الكرسي .. يارب تدوم الايد فى الايد ... تحياتي

رحاب صالح يقول...

والله يا اسامة انا متفائلة
ربنا يوفقنا جميعا
وان شاء الله مصر تبقي احلي

Bent Men ElZman Da !! يقول...

بالتألُف اللى كان موجود وقتها
قدر شعب بالقوه دى يهزم نظام بالطغيان ده بأراده ربنا طبعا
لو فظلنا بنفس القوه دى هنقدر نبنى نظام ديمقراطى ودوله احسن من دول كتييير غيرنا
بس احنا نبقى روح واحده :)

eng_semsem يقول...

هبه فاروق
طول ما احنا ايدينا في ايد بعض هنكمل ونعدي على كل الصعاب
اهلا بيكي

eng_semsem يقول...

كريمه سندي
ان شاء الله ربنا يكتب لوطننا وكل البلاد العربيه كل خير
اهلا بيكي

eng_semsem يقول...

re7ab.sale7
ان شاء الله كل خير لبلدنا الغاليه
وخيرها يكون لاهلها كلهم
اهلا بيكي

eng_semsem يقول...

Bent Men ElZman Da !!
ان شاء الله يستمر التالف ما بين كل فئات الشعب ويكون بكره احسن لينا كلنا

eng_semsem يقول...

حواء
ان شاء الله نستمر ايدينا في ايد بعض ممكن نختلف بس مش نحارب بعض
اهلا بيكي