الأربعاء، 20 يونيو 2012

البدايه



بريق من الامل لمع في سماء مصر مع بداية ثورة 25 يناير بين دماء من استشهد ومن اصاب خرجنا للحياة من جديد شعرنا كأننا مرضى وعادت ألينا صحتنا ونحن نحاول الوقوف والصمود بجميع أطياف المجتمع نحاول النهوض للتصدي لكل ظالم على أرض الكنانه ولكنني اعترف اننا لم نكن ندرك من نواجه او مدى امكانياته ولكن غرس في قلوبنا الايمان بما نفعل من اجل تحرير الاوطان من سجان تجبر على كل اهلها فقراءها  واغنياءها ولكن لم نكن نعرف ما نواجه وكنا مستعدين لمواجهتها اي كان .
في الشوارع كانت هناك معركة بين الحق والظلم بين الشعب والسلطه استخدمت فيها العصيان وقنابل الدخان ورصاص الغدر والطغيان وكان هذا خطر واضح ولكن قلب مصر النابض الشجاع اعلن تحرير الاوطان مهما كلف من دماء قبلنا ان ندفع الثمن بانتظار المقابل الثمين عودة مصر لاهلها .
ولكن لم يتوقف الامر عند ذلك بدات حرب اعلاميه شرسه لم ولن ننساها على كافة القنوات الفضائيه تعلن ان الشعب يريد تدمير البلاد وبدات الحرائق من الادوار العليا لامن الدوله والشعب بالشوارع لا يعلم من اشعلها ومن دمر ملفاتها ولكن هكذا يقال وفتحت ابواب السجون والاقسام لخلق نوع من الخوف ولكنهم كانوا يجهلون ان من نزل للميدان لا مكان للخوف في قلبه .
اتجه الاعلام لاتجاه اخر ربما ينقذ النظام الظالم باعلان انها ثورة الاخوان وانقلاب ضد نظام الحكم حتى يتركها من في الميدان من المختلفين معهم ولكنهم توحدوا واعلنوا انها ثورة شعب قتل الظلم اولاده ولم يفرق بين انتمائتهم او احزابهم او ديانتهم واراد التضليل من جديد ان الاخوان باعوا الميدان وتركوا الثوار فوجدهم يظهرون في وسط الميدان فاتجه الى ان يعلن انها ثورة للجياع فاعلن من في الميدان وظهر الفنانين وظهر الكثيرون يعلنون انها ثورة الحق والعدل ضد الباطل والظلم .
نزلت الخيول والجمال باسلحة بيضاء على مسمع الجميع تريد فض الميدان بقوة البلطجه ولكن هيهات لقد توحد الصف وطمست الخلافات وطويت جميع الاوراق الا ورقة تعلن اننا لن نترك الميدان للمرتزقه .
وبدات الثوره في تحقيق اهدافها وخلع مبارك من كرسي الرئاسه وتم حل برلمان الشعب بارادة من الشعب وحل الشورى الذي كان يعيش في الظل بعيد عن الشعب وبدات حملة التطهير ليتقلد عرش مصر المجلس العسكري حتى الانتقال الى تحقيق المراد .
وها نحن الان نعود الى نقطة البدايه من جديد نعلن ان ثورتنا لم تكن من اجل حزب او جماعه ثورتنا من اجل تطهير البلاد وتحقيق العداله بعد حرب شرسه مع التابعين للنظام القديم استمرت سنه ونصف تفتت الصف وتعلن اسباب الفرقه وتفرق الاراء بنفس الاعلام وتظهر على ساحة اول انتخابات نشعر بها جميعا رمزا من رموز النظام السابق اخر من لجأ إليه مبارك لحماية عرشه ولكن بفضل ونعمة من الله توحدت الصفوف وبعد منافسة على كرسي الرئاسه بين اشخاص توحدت الامال لمنع عودة الماضي ليعيش بيننا تركنا كل الاختلافات الفكريه لنعلن وحدة في الصف نعلنها بقوه لا لعودة النظام القديم مرة اخرى .......
تحية واجبه لكل الصفوف الثوريه التي عزمت على اكمال الطريق ولن نعود ولن تعود مصر إلى الوراء انها بداية عصرالحريه والتقدم والازدهار باذن الله .



هناك 26 تعليقًا:

Tamer Nabil Moussa يقول...

اكثر من رائعة

تسلم ايدك

مع خالص تحياتى

Menna يقول...

اوجزت فانجزت
فعلا ملخص للوضع
الوحدة هي الحل

richardCatheart يقول...

جميييييييييييييييييييييييييل يا سمسم

الثوووووووووووووووووة مسسسسسسسسسسسسسسسستمرة

أحمد أحمد صالح يقول...

ســر على طريق الحريـــة
بهدى العقــل الحــر..بوشكين
...ربما لا يعجب البعض ما سأقوله و لكنه هو تحليلي لما نحن فيه،فنحن لم نسر على طريق الحرية بهدي أي عقل،و ان كان حدث فهو بهدي عقل غير حر و هذا هو ما أوصلنا لما نحن فيه الان..
كلماتك جميلة جدا أحببت فيها روح التحدي و المقاومة والأمل و هذه هي الروح التي نحتاجها،الى جانب طبعا العمل المخلص و العقل الحر..كل الشكر و التحية و دوما في انتظار جديدك.

رحاب صالح يقول...

والله يا اسامة كلنا كدة
وكلنا قلنا لاء
ومين اللي هيقول نعم اصلا علي الغباء اللي اسمه الدستور المكمل ده

ليلى الصباحى.. lolocat يقول...

والله يا اسامة اشعر بخوووووووف شديد لحد بكرة مايعدى بخير يارب

نسأل الله تعالى الايضيع كل هذا التعب والمجهود والا يضيع حق الشهداء وامهاتهم واسرهم

يارب حقق لنا مانتمنى ونرجوا ياقدير يارحيم
جزاك الله خيرا اخى الكريم وبارك فى جهدك وسلمت اناملك



تحياتى المتجددة لك
دمت بخير وحرية

Bent Men ElZman Da !! يقول...

ربنا يستر على اللى جاى بقى

eng_semsem يقول...

Tamer Nabil Moussa
اشكرك على زيارتك وتعليقك واتمنى ان اكون عند حسن ظنك
اهلا بيك

eng_semsem يقول...

Menna
اقوى ضغط على الجلس العسكري انه يشوفنا متجمعين ايد واحده
اهلا بيكي

eng_semsem يقول...

richardCatheart
الثوره مستمره ولسه احنا مكملين لحد ما نحقق اهدافنا ونشوف بلادنا بتطهر من تلوث كان عايش فيها
اهلا بيكي

eng_semsem يقول...

احمد احمد صالح
روح التحدي والعزيمه هي اللي عزلت مبارك وهي اللي بتملى قلوبنا بالامل اننا نكمل مشوارنا
اهلا بيك

eng_semsem يقول...

re7ab.sale7
طول ما احنا بنتحرك تحت اسم كلنا هنكون قوه انما لو سبنا كل واحد يوجه لوحده هنبقى اسهل على النظام القديم
اهلا بيكي

eng_semsem يقول...

ليلى الصباحي
الخوف من بكره عامة كلنا حاسين بكده بس لازم نعمل ونستمر ونتوحد عشان نطمن ان بكره هيجي باللي احنا عاوزينه مش نبقى مجبرين ونشوف الظلم تاني بيكبر ونسكت
تحياتي

eng_semsem يقول...

Bent Men ElZman Da !!
ان شاء الله ربنا هيسترها طول ما احنا بنسعى للخير وهدفنا تحقيق العدل لكل اهل مصر بجميع طوائفها
اهلا بيكي

أسماء علي يقول...

طريق الثورة طويل .. دي حقبة فساد تشعبت في حياتنا كلها
بس احنا حنقدر أكيد نغير ..

تحياتي

هبة فاروق يقول...

لايك يا اسامه بوست فى الصميم والتغيير جى بأذن المولى بس الصبر وحط تحتها كام خط

Carmen يقول...

رائعة ياباشمهندس كنا محتاجين الحماسة دى فعلا :)
تحياتى

Unknown يقول...

ربنا يعديها على الخير وبجد مبقناش عارفين احنا ريحين فين والمجلس العسكرى ده متفهمش بيستخف بعقولنا ولا ايه

وحشتنى كتاباتك يا باشمهندس

eng_semsem يقول...

اسماء علي
طول ما احنا مقدرين وعارفين ان احنا بنواجه فساد كبير مغروس في البلد هنقدر نقضي عليه مش لازم نستهون بيه
اهلا بيكي

eng_semsem يقول...

هبه فاروق
ان شاء الله هيجي التغيير وهنحس بفرق كبير وبدام صبرنا على حسني 30 سنه ظلم لازم نصبر سنه او اتنين عشان تتحقق الاهداف ونشعر بيها
اهلا بيكي

eng_semsem يقول...

Carmen
اشكرك على تعليقكوانا متهيالي الايام اللي فاتت الشبباب اتحمس تاني لما حس بالخطر وربنا يوحد صفوفنا عشان ننهض بمصرنا الغاليه
اهلا بيكي

eng_semsem يقول...

mena moon
ان شاء الله هتعدي على خير وياريت ما ننساش ان المجلس العسكري بيقاوم زي كل الانظمه القديمه والجهه الوحيده اللي لم يتم لمسها في الثوره هي الجيش وماننساش ان حسني كان القائد الاعلى للقوات المسلحه
بس ان شاء الله هتعدي وتستقر الامور

زينة زيدان يقول...

أستاذ أسامة

تقرير وافي ويحمل احساس وطني ومسئولية تجاه مجريات الأمور..

نتمنى بكل ما فينا الخير لمصر
وندعوا أن يحفظها الله لنا


تحيتي لك أخي

شمس النهار يقول...

من اول فرقوا الجموع اللي نزلت
والتيارات
والنخب
ودخلنا في مهاترات وحناقات
وادي اللي وصلناله
بس ان شاء الله خير

eng_semsem يقول...

زينه زيدان
ربنا يصلح احوالنا جميعا لنعود الى الماضي عندما كانت الحضاره العربيه نبراسا لكل الامم
اهلا بيكي

eng_semsem يقول...

شمس النهار
المهم نتعلم من اخطاءنا ومش نستمر فيها
المهم نؤمن ونخلص ان احنا عايزين الخير لمصر مش مصلحة جماعه او حزب المهم نثق في بعض ومانمشيش ورا اشاعات او اخبار مغلوطه
اهلا بيكي