الأربعاء، 24 نوفمبر 2010

حكايتي مع الايام

من زمان وانا عايز اكتب حاجات كتير وكنت بصبر يمكن ارجع في رايي لكن في الاخير قررت اخرج من صمتي واكتب حكايتي مع الايام واحترت ابدا منين وبايه بس لاقيت ان في جزء عادي بيعيش فيه كل الناس بمشاكله وحواراته لحد ما دخلت الجامعه واتخرجت وهتكون ده بداية حكايتي .
انا اتخرجت من كلية هندسه دفعة 2005 بعد مذاكره ومجهود اخر سنه عشان كان نفسي اخلص بقى بقالي كتير بتعلم امتى اتخرج واشتغل وابقى مهندس وبنفس الاصرار اتخرجت وبدات ادور على شغل وزي اي شاب بيقابل صعوبه شويه نزلت تدريب عشان الاقي نفسي في مجال عملي لحد ما ربنا اكرمني بشركه واسمها البنيان واراد ربنا انها تكون بدايتي وكان والدي مستقر في محافظه اسمها كفرالشيخ انما كان كل توجهي اني اعيش بالقاهره انا بقالي فيها اكتر من خمس سنين والشغل هنا كتير وكانت الشركه واخده شغل في القاهره في المعادي صقر قريش جنب الاوتو ستراد واخده عماير هناك 13 عماره .
رحت معاهم  تقريبا في اول شهر 2 /2006 وبدات شغلي بجد بمرتب بالنسبه ليا في الوقت ده كان معقول كان (600جنيه) وبدات اشتغل معاهم واتعلمت كتير وكان معايا مهندسين في نفس الشركه غير الاستشاري واتعرفت فيها على ناس كانوا زي العسل.
وتقريبا في اخر 2007 حسيت ان العمر بيجري بيا وانا عندي شقه والامكانيات عال ايه اللي ياخرني على اني اكمل نص ديني بس لاقيت مشكله كبيره اني مليش اصلا نص تاني انا طول عمري من البيت لشغلي وعلاقتي بالجنس الاخر كانت لا تتعدى الصداقه البريئه وكانت ده اكبر عقبه اني اختار ازاي امشي في الشوارع اتفرج ولا احاول اتعرف ولا ارجع للحل اللي الكل بيمشي عليه جواز الصالونات فلان عنده بنت  وكده كنت محتار بس لازم اختار وحقيقي تهت بس في الاخر اخترت.

هناك 25 تعليقًا:

Dr/ walaa salah يقول...

ربنا يوفقك يارب وتلاقي الزوجه الصالحه اللي تقدر تعينك على دينك

احنا في انتظار انت عملت ايه في حكايتك مع الايام

غير معرف يقول...

يارب يكون إختيار موفق ان شاء الله
بدايه موفقه
ربنا يسعد ايامك
بكل خير
ويحقق لك كل اللى تتمناه
بالعمل والجد
تحياتى لشخصك الكريم

mrmr يقول...

اهم شئ انك فى الاخر وصلت للاختيار
ويارب يكون اختيار موفق
ربنا يديم عليك النجاح وتعيش عيشقه مستقره
ربنا يسعد ايامك

Carmen يقول...

ربنا يوفقك ويسعدك يارب واتمني لك كل خير باذن الله
منتظرين باقي الحكاية
تقبل مروري

ツSmiLeY AnGeLツ يقول...

السلام عليكم
ربنا يوفقك ويكون اختيار صحيح
ويديمها عليكم بالسعاده والحب والموده
ويوفقك بحياتك الدينية والدنيوية
تقبل مروري
سلامي ليك اخي.

وداد يقول...

اول زيارة لي بمدونتك

قرأت كلامك وحكايتك

ان شاء الله تكون لقيت نص دينك

وتكون مناسبة وبنت حلال

الله يوفقك

وبإنتظار تدويناتك

اشكرك على مرورك بمدونتي

حرّة من البلاد..! يقول...

ان شاء الله بالتوفيق لك في اختيارك
تحياتي لك

سواح في ملك اللــــــــــــــــــه- يقول...

اولا مبروك عليك ثانياانت تقصد عمارات جابكو تحيه ليك

الفقيرة إلى الله أم البنات يقول...

باشمهندس... نص دينك موجوده وهيبقى زى الفل طالما لم تغضب ربك والحمد لله
عليك ان تسأل الوالده..أخواتك اصدقائك اللى تعرف انهم شبهك وفكرهم زيك زوجاتهم هيكونوا لهم اصدقاء مناسبين لان الناس بتعرف اللى شبهها صدقنى ان شاء الله هتلاقى
بس بالله عليك وانت بتدور خلى بالك من أم عيالك والست اللى هتقف جانبك فى الشده قبل الفرح..وسيبك من المكياج ومن الالوان...وشوف الام هتعرف انت بتاخد مين

ربنا يوفقك أمك أم البنات

eng_semsem يقول...

اختي في الله الفقيره الى الله ساضع ما قلتيه حلقة في اذني اثناء اختياري ولن انسى حرف منه

eng_semsem يقول...

اصدقائي الاعزاء عند الاختيار يكرم المرء او يهان وكله هيبان مع الايام اشكركم على متابعتي

ولا بالاحلام يقول...

السلام عليكم ورحمة الله وبركاته
ربنا يكرمك ويوفقك ويرزقك ببنت الحلال ذات الدين والخلق
وبالمناسبه لو كنت لسه لم تجد طلبك فهو عندى ان شاء الله
بوركت أخى فى الله وإلى الامام دائما"
تحياتى
ابتسام محمد (ولا بالاحلام)
سنووايت (اميرة الاحلام)

أبو العريف يقول...

ربنا يوفقك يا صديقي

ويباركلك ويرزقك الزوجه الصالحه

او يصلح حالك

بس للاسف

احيانا الواحد مش هو اللي بيختار

وان نصيبك هو اللي بيختارك

فيارب يكون نصيبك كله خير

جايدا العزيزي يقول...

الحمد الله

اعتقد ان دهكان توفيق من ربنا

وبعدين انا من مواليد كفر الشيخ

بس كنت زيك بحب القاهرة

اما بنت الحلال

فده باذن الله ومعنى انك اخترت


فاكيد اختيارك صح

ربنا يوفقك دايمايارب

وانتظر باقى الحكايه

تحياتى

غير معرف يقول...

بجد اسلوبك حلو اوى وربنا يوفقك ويعوضك خير انشاء اللة بس تفائل وخلى املك فربنا كتير

eng_semsem يقول...

صديقي العزيز غير معرف على فكره انا بقى عارفك واحب اعرفك على اصحابي هو صديقي دكتور هيثم تعرفت عليه في اثناء اداء فريضة الحج وكانت نعم الصحبه هو وصديقنا الثالث عمرو

رحاب صالح يقول...

لازم الاختيار يكون عن قناعة القلب والعقل مش مجرد جواز وبس عشان البنت حلوة او اهلها ناس اثرياء او بنت حسب ونسب والا عشان النفوذ والسلطة
الجواز دنيا تانية وحياة تانية بنحاول نبنيها ونعمل فيها اللي معرفناش نعمله في عمرنا اللي فات عشان كدة بنحاول الاختيار الصح
بتمني ان ربنا يوفقك وتكون اخترت صح وحتي لو مخترتش صح الاهم انك تحاول تغير الشيء اللي مش صح وتصححه

غير معرف يقول...

اذن في قصة أخرى لازم تذكرها...


كيف اخترت....؟؟؟

موفق دائماً

_______________________


هناك واجب تدويني

ينتظرك

http://wwwfada-lylh.blogspot.com/2010/11/blog-post_25.html#links

eng_semsem يقول...

وصل الواجب التدويني وتشكري يا ستي على توصيله بس متهيالي الكرسي ما كنش ليا كان رايح لواحد تاني بس تشابه الاسماء وقعني عليه وانا مش هزعلك

ليلى الصباحى.. lolocat يقول...

السلام عليكم ورحمة الله

جميل ان يكون الانسان مجتهد فى حياته ويضع لها خطة يسير على هداها


أسأل الله لك حسن الاختيار والتوفيق فى حياتك القادمة ان شاء الله

تحياتى لك وتقديرى اخى الكريم

موناليزا يقول...

وبعدين؟؟
أنت مش هتكمل الباقى ولا هى كده خلصت

eng_semsem يقول...

لا طبعا التكمله جايه كمان شويه وهكتب كل حاجه بس مش عايز انسى حاجه تابعيني

زهرة(جنى)الاسلام يقول...

السلام عليكم
ان شاء الله اختيار موفق
وبوست رائع اخى

الغاردينيا يقول...

سلام عليكم وجمعة مباركه
المعذرة اني اقرا كل هذا متاخر كان عندي خلل في حاسوبي
مش عارفة ليش وانا اقرا البوست هذا حسيت لماوصلت عند كلمه اخترت !
ان في حزن جاي بعدها
ربنا يستر :)
ويوفق الجميع باختياراتهم
اذن ارك في الحكايه 2

داليـ ـ ـ ـ ـ ـ ــــا يقول...

طريقة سرد رائعه حقا
وهادئه
بحييك عليها