واخيرا انتهيت من الكابوس المفزع من الثانويه العامه وجبت مجموع 84 % طبعا ده بعد مجهود كبير وسهر الليالي وقمة العذاب لما بطولة امم اوروبا تيجي في وسط الامتحانات وانا اقعد في غرفتي اذاكر بس طبعا عامل حسابي قدام مني مرايتي وظابط الزوايا عشان اتفرج على الماتش من غرفتي واللي يشوفني يقول لا يهمني ماتش ولا غيره .
والمجموع الجميل ده كنت بحلم انه يدخلني كلية هندسه في اي حته في مصر وخصوصا ان احنا كنا اول سنه من غير تحسين ومفروض المجاميع تقل بس دكاترة جامعة الهندسه كانوا متضايقين ان بيجي ليهم طلاب مش درسوا رياضه واحد فسقطوا ناس كتير ومش لحقيت اي هندسه وجه التنسيق بكلية تجاره كفرالشيخ وده كان بالنسبه ليا نتيجه كارثيه
وطبعا لما تضيق الدنيا مش الاقي جنبي غير ابويا فتح ليا باب الهندسه الخاصه وبدانا في رحلة بحث عن الاعتماد من الحكومه والمميزات وكده ودخلت الحمدلله جامعة اكتوبر .
وانتقلت لمحطه جديده في حياتي لاقيم مع جدي وستي في شارع فيصل وطبعا كانت بدايتي زي الصاروخ مذاكره واجتهاد ده اخيرا حلمي بيتحقق واول سنه جبت جيد جدا طبعا حسيت بالراحه والحاجات الحلوه ده وتاني سنه كسلت ونجحت بالعافيه ومعايا مادتين بس طبعا بعد عتاب للنفس وعتاب من ابويا شديت حيلي تاني واتعرفت على ناس جديده في دفعتي وسبت الفشله اللي كنت اعرفهم كانت ايام الامتحانات قبل الامتحان بيوم نروح عند واحد اللي هو اشطر واحد فينا في الماده نقعد نذاكر ويشرح لينا ما لايقل عن 8 ساعات متصله مش بيفصلهم غير الغدا واستمريت كده في تانيه وتالته وجبت تقديرات كويسه بين جيد وجيد جدا وعدى الترم الاول في سنه رابعه وجبت فيه جيد جدا وقبل الترم التاني الشيطان ضحك عليا قالي سنين الجامعه عديت لا خرجت ولا اتفسحت ولا عيشت حياتك وكانت سنين الجامعه سنين صعبه عليا عامة لاني فقدت اتنين من اغلى الناس عليا جدي لوالدتي اللي كان معايا في مكه وجدي لوالدي اللي كنت مقيم معاه حاجات كتير اتركبت على بعضها قفلتني ومر الوقت شهر شهرين من الدراسه وبعد جلسة عائليه اخبرتهم بأني لن ادخل الامتحانات لهذا العام . وعدت مع والدي في كفرالشيخ لاجلس نصف العام الثاني دون اي شئ عمل او مذاكره او اي شئ وشعرت بمدى خطأي ونزلت بعدها للعمل كتدريب في شركة مقاولات حتى بداية العام الدراس الثاني في السنه التاليه والتحقت بهم مرة اخرى واكملت دراستي بتقديرعام جيد وتقدير مشروع التخرج جيد جدا
بعد عام طويل واعوام متلاحقه متغيرة الاحداث وانتهت فترة الجامعه لانتقل لمحطة جديده
يتبع
هناك 5 تعليقات:
دائما مرحلة الثانوية تكون كابوس بالنسبة لكل المصريين :)
حتى لو تفوق الطالب فيها تظل كابوس مزعج
ورحم الله اجدادك وغفر لهم
دائما انتظر محطات قطارك الذى قربك الينا اكثر واكثر :)
دمت متألقا وعفويا وطيب القلب اخى اسامة
تحياتى بحجم السماء
الله يرحم موتانا وموتى المسلمين اللهم آمين ويسكنهم فسيح جناته
وتبقى السنة الأخيرة هي عام الصحوة الذي نتذكر فيه أننا أضعنا سنين الجامعة هباءً ونحن بين المحاضرات والكتب لنكتشف فجأة بأن للفسح علينا حق
وكما فعلت أنا وأضعت عامي الأخير ولكن الحمد لله الله دائمًا يصيبنا بالخير
في انتظار الجديد
ريوبي
اهلا وسهلا بيك
ليلى الصباحي
تحياتي لك لتواجدك الدائم بين طيات كلماتي المتواضعه
اهلا بيكي
E73
ربنا يرحم امواتنا واموات المسلمين جميعا
اهلا بيك واتمنى ان اكون عند حسن ظنك واستحق المتابعه
إرسال تعليق