الاثنين، 2 يوليو 2012

النهضه


هو اسم للمشروع الرئاسي للدكتور محمد مرسي هو حلم يريد تحقيقه ونحن ايضا نريد تحقيقه ودائما ما كان يصحب الكلام عن المشروع كلمة ارادة الشعب وتعاون المجتمع بكل فئاته فنهضة وطننا الغالي تحتاج للكثير من الطاقات البشريه وارادة شعبيه في النمو والازدهار .
وجزء من مشروعه خلال اول مائة يوم السعي في حل المشكلات الضروريه وهي الامن والمرور والنظافه والخبز والوقود وهي نقاط الاساسيه في حياتنا اليوميه من اجل بناء المستقبل ولا بد لكل فرد من دور ايجابي تجاه المجتمع لن نعود الى الصمت مرة اخرى ولابد ان يكون لنا حضور .
في بعض المشاكل ده نقدر نتعاون فيه ولو بجزء صغير ولو بابتسامه في وجه رجل الامن الموجود في الشارع او في مكتبه لازم يحس بالتقدير والاحترام طول ما هو بيقوم بدوره على الوجه المطلوب  .

بالنسبه للمرور احنا جزء اساسي من صناعة المشكله احترامنا لقواعد المرور هيسهل علينا حاجات كتير وكتير مننا بيشوف ده كل يوم سواء وهو راكب سيارته الخاصه او راكب وسيلة نقل عامه ان سبب في الازدحام واحد داخل مخالف او واحد راكن في وسط الطريق او واحد داخل من اقصى اليمين الى اقصى الشمال .
وبالنسبه للنظافه فهي تعبر عن مدى رقي الشعب والمجتمع ولازم نهتم بيها شخصيا ونعرف ونعرف اولادنا يحافظوا على نظافة الشارع والحي زي ما بنحافظ على نظافة بيوتنا محدش بياكل بسكوت في البيت ويرمي الورقه على الارض واكيد لو حد فينا شاف سياره بترمي مخلفات في مكان غلط ما يكنش سلبي ويشوف رقمها ويكلم صاحبها ولو مش استجاب يبلغ عنه الجهه المختصه .
مشكلة الخبز وطابوره الطويل على الاقل نحترم الدور ومش نقف نتخانق فيه ومش نسكت عن اي مخالفه ونمنع بيع الدقيق من الافران على الاقل مش نشترريه احنا ولو شوفنا حالة بيع  نحاول نمنعها وتحذيرههم .
ياريت نكون ايجابيين في كل حياتنا ونتشارك في بناء نهضة وطننا الغالي وياريت لو حد عنده افكار ممكن تساعدنا يضيفها لينا .

هناك 20 تعليقًا:

;كارولين فاروق يقول...

حاتزعل مني لو قلت لك اني مش
معترفه بمحمد مرسي؟؟
للأسف لم اكن من مؤيدي محمد مرسي
والصراحه راحه
انا جيت اسلم واقول لك كيف حالك
وسلامي للأسره جميعها
تحياتي

eng_semsem يقول...

هزعل طبعا لانه رئيس الجمهوريه سواء كنتي من مؤيديه او معارضيه وانا ما قولتش هنعمل عشان مرسي انا بقول عشان نهضة مصر وانا متاكد ان ده شئ يهمك زي ما بيهم كل المصريين
والحمدلله انا بخير والاسره كلها وشاكر لسؤالك ووجودك

شمس النهار يقول...

شوف لازم نتغير علشان نعرف نعمل حاجة
وده هياخد سنين
لكن انا شايفة الحل الغرامات
لو كل واحد عرف ان لو هيرمي زبالة هيدفع غرامة مش هيرمي زبالة

لو كل واحد عرف ان في كاميرا هتصور المخالفة ويكع الوفات وهو بيجدد الرخصة هنمشي زي الفل

المطلوب تفعيل القوانين الموجودة اصلا وتمشي علي الغني والفقير
علي المسؤلين قبل الشعب
ساعتها هنعرف ننهض بالبلد

;كارولين فاروق يقول...

جئت لأتأكد ان تعليقي نزل كالعاده
ولم اتوقع هذا الرد
هو علشان رئيس الجمهوريه ابقي لازم اكون بحبه او أؤيده فين الديمقراطيه
وبعدين انا مع نهضه مصر طبعا لأني مصريه
جدا ولا يستطيع احد ان يشكك في حبي هذا
ولكن حبيت ان اوضح وجه نظري مش اكتر
شكرا
تحياتي

حنين محمد يقول...

مساء الغاردينيا
ويارب تكون كل مشروعاته هادفة لنهضة مصر
ربنا يوفقكم يارب "
؛؛
؛
لروحك عبق الغاردينيا
كانت هنا
Reemaas

ليلى الصباحى.. lolocat يقول...

انا ايضا لم اكن من مؤيدى مرسى فى بداية الانتخابات وكان مرشحى هو ابو الفتوح
لكن مرسى اثبت الى الان صدق نواياه واسأل الله تعالى ان يستمر هكذا ويعينه الله على ما هو فيه من صعاب


لكن عندما نطرح هذه الفكرة فهى فكرة رائعة وحملة يجب ان يشارك فيها كل مصرى ومصرية بغض النظر من هو الرئيس ( والله لو كان شفيق كسب ودعى الى هذه الحملة كنت اؤيد الفكرة ) مادامت لخير مصر

اليوم تابعت الاخبار وشاهدت الشباب و حملات النظافة فى القاهرة والجيزة وكيفية التفكير فى اقامة عقوبات على مخالفى النظام وقوانين النظافة والمرور

كل ما اتمناه ان تمتد هذه الحملة وتشمل كل محافظات مصر وفى كل المجالات

والاهم من هذا ان نعلم جميعا ان رئيسنا لايملك ان يعطينا لبن العصفور لكن هى مسؤلية تقع فى البداية عليه ونحن معه نشاركه فى تنفيذ القوانين لنرقى ببلادنا وننهض بها

وان شاء الله كمدونين نتحمل على عاتقنا نشر بعض التوعية ونكتب جميعا فى مثل هذه الامور المهمة

شكرا لك اخى على البوست الطيب والدعوة الجميلة للنهوض بالبلاد فى كل المجالات ...الله المستعان

تحياتى لك وتقديرى

هبة فاروق يقول...

أنا مستبشره خير ان شاء الله
ومصر حتبقى احسن من الاول واكثر كمان

eng_semsem يقول...

شمس النهار
ان شاء الله نتغير للاحسن ونعرف نبني بلدنا
تحياتي وشكري على فكرتك

eng_semsem يقول...

كارولين فاروق
هو انت كنت متوقعه اني ممكن امسح تعليقك لا طبعا امال فين الديمقراطيه وانا قولت وهقول ليكي تاني انا مش بتكلم عن حب شخص او تاييده اطلاقا انا بتكلم انا وانت وكل اهل مصر هيعملوا ايه عشان خاطر مصر وفي تعليقي الاول قولت اني متاكد ان الموضوع ده يهمك وكان رفضي وقولت هزعل انك مش معترفه انما كونك مش بتاييديه او بتعارضيه ده شئ طبيعي لان اكيد في ناس وصل دههم 12 مليون قالوا لا والمرحله ده خلاص انتهت مين قال لا مين قال اه مش هي ده المشكله مشكلتنا دلوقتي هنعمل ايه نساعد بيه بلدنا مش اكتر وانا اسف لو كلامي زعلك او حسيتي انه اغتصب حق من حقوقك
واهلا بيكي دائما

eng_semsem يقول...

ريماس
ان شاء الله نبني بلادنا وتعوا لينا وكل اهلنا واخوتنا في الدول العربيه
اهلا بيكي

eng_semsem يقول...

ليلى الصباحي
قامت الثوره من اجل حرية الشعب والوطن من اجل البناء والنهضه وياريت نقدر نفيد بلادنا حتى عشان لما يجي ولادنا يفتكروا قد ايه اللي قبلم تعب عشان يبنيها ونصنع تاريخنا بايدينا
اهلا بيك ويسعدني دوما تواجدك

eng_semsem يقول...

هبه فاروق
طول ما جوانا الامل هنوصل ان شاء الله ويارب نعرف نحقق احلامنا ونبني بلدنا ونكون جزء من البناء مش مجرد منتفعين او متفرجين
اهلا بيكي

كريمة سندي يقول...

النهضة لن تتم في يوم أو يومين بل تحتاج لرؤية واضحة المعالم والدكتور محمد مرسي لديه ولله الحمد هذه الرؤية ونحمد الله على وجود مواطن مصري من قلب معاناة الشعب المصري ينهض ببلده ونهضة مصر من نهضة الأمة العربية الإسلامية

موضوع جدير بالطرح تحياتي

مصطفى سيف الدين يقول...

انا قلت قبل كده اني مش هاخد موقف ضد مرسي غير بعد ست شهور لما تتضح سياسته
ادينا نصبر شوية
بس مشروع النهضة هياخد 28 سنة يعني بتاع 7 فترات حكم هو ليه يجبر اللي بعده يكمل مشروعه؟
على العموم ربنا يوفقه و يعينه و يحفظ مصر

سواح في ملك اللــــــــــــــــــه- يقول...

هقول ايه بس

غير لازم النفوس تتغير

ولازم نساعد بكل استطاعتنا

eng_semsem يقول...

كريمه سندي
الحمدلله شعبنا عايز يحقق ويبني مستقبله وان شاء الله نعرف نحققه بجهدنا ودعواتكم
اهلا بيكي

رحاب صالح يقول...

يا اسامة مش مشروع نهضة ولا حاجة ....مفيش مشروع ناجح لوحده من غير بني ادمين
احنا عايزين نغير من نفسنا الاول
وبعدين قوللي هو اية حكايتك مع محمد مرسي ...انا شاكة فيك علي فكرة
ههههههههههههه

eng_semsem يقول...

مصطفى سيف الدين
كلامك مظبوط جدا بالنسبه للحكم على الشخص بس انا كل قصدي مشروع بلدنا مش الشخص وحتة عمر المشروع فهو مش اجبار للي بعده والهدف النهائي لو ينفع اللي بعده يحققه قبل كده يبقى تمام
اهلا بيك

eng_semsem يقول...

سواح في ملك الله
انا شايف النفوس بتتغير الحمدلله يا خالد وربنا يسهل الحال ونسعى عشان خاطر بلدنا
اهلا بيك

eng_semsem يقول...

re7ab.sale7
وهو ده هدفي من البوست يا رحاب احنا كشعب ايه نقدر نعمله عشان نوصل ببلدنا لنهضه حقيقيه ومش تشك فيا خالص انا بقدره وبحترمه وصوتي كان ليه من اول مره
اهلا بيكي