الاثنين، 28 مارس 2011

كذاب

حاولت ان اكون صريحا معكم دائما الا انني اشهدكم بانني كذاب

كذبت عليكم حينما قلت انني نسيت ما مضى الا انني قد وضعت لاصقا طبيا على جروحي حتى لا يراها غيري ومع مرور الايام قد تناسيت الآلام الا انها بقطرة ماء تزول الاصقة ويعود الدم للسيلان من جرح لم يلتأم ولم اعرف له علاج .
حاولت مرارا ان ارسم الضحكات على وجوهكم واظهر السعادة في نفوسكم الا انني كنت احاول ان ارى البسمات كي اقلدها فقد نسيت كيف تكون الضحكات .
حاولت ان ازرع الامل في نفوسكم الا انني كذاب فكيف وانا لا املك زراعة الامل داخل نفسي فمن اين ساحصل على ما ازرعه لغيري .
حاولت ان اروي احلامكم وكنت اميل لاقناعكم بان من الاحلام ما يتحقق الا انني كنت اكذب عليكم لاقنع نفسي عن طريقكم بان احلامي قد تتحقق ولكنه مجرد سراب لا تجد عنده ماء وبئري معطلة من سنين فهي صماء لا تحوي قطرة ماء وانظروا داخل قلبي  ستجدوه صحراء جرداء .
اذكروا دائما هذه الكلمات لاني اعرف نفسي فسرعان ما ساعيد الحسابات وستجدوني اعيد صياغة الكلمات لابرر قولي وانا لا اشعر ساكرر يوما كذبات ندمت عليها ولكني لا اشعر بالذات.
ولكني لم اقصد ابدا ان اكذب عليكم كان كلامي هو كل ما احمله وكلما زاد همي على ظهري اثقلني فازيد في نطق الكلمات حتى كسر الوزن الزائد كل ما تبقى مني حتى انني لم اعد استطيع ان انطق الآهات وقد نفذت مني الكلمات .

هناك 54 تعليقًا:

موناليزا يقول...

ده مش كذب ده أمل كان نفسك فيه إنك تكون أقوى من طبيعة الانسان اللى هى أصلاً ضعيفة وبتاخد وقت على مابتتعود على أى وضع جديد.

خد وقتك واحنا معاك هنسمعك وهنشاركك آلامك وأحزانك ولو قدرنا هنخفف عنك

ربنا يهون عليك

مصطفى سيف الدين يقول...

ان كان هذا كذبا فانا مثلك كاذب
واوقع معك على ذلك البوست الذي رايت فيه نفسي
تحياتي

Carmen يقول...

كلنا كده بنحاول ونحاول ونكدب ع نفسنا عشان نقوم ونقدر ونكمل , كلنا جنبك ومعاك لحد ماتتجاوز ازمتك باذن الله , ربنا يريح بالك ويطمن قلبك يارب

Amwaj يقول...

ليش تقول جذي يا أسامة ؟!!
هذا مو كذب أبدا
آنا متأكدة إنك قوي وحتى لو حاولت الهروب من همومك تأكد إن اللي تسوي مو غلط
لأن الهم يتعب وأحيانا يكون الهروب حل وخاصة إذا كان القضاء على هذا الهم مو بيدك

الله يخفف عنك ويمسح عن قلبك الهم والغم

ويالله عاد لازم تقنع نفسك وتمشي على مبدأ
يـــا جـبــــل مــــا يـهـــــزك ريــــح :)

ومعروف إن الله يبتلي العبد المؤمن عشان يخفف ذنوبه ويطهره منها

قول الحمدلله يا خوي :)

;كارولين فاروق يقول...

اخي اسامه اجعل جروحك تلتئم
دون استعجال فالوقت كفيل
بنسيانك فلا تتناسي ولا تهرب من الواقع
اجعل كل شئ طبيعي وجعل كل شئ يأخذ وقته
في الالم ثم سيطيب جرحك الوقت
اتمني لك كل خير
تحياتي

Unknown يقول...

أسامه كلامك صادق جداً لدرجة انه أبكاني
كن أنت و سيأتي حتماً ربيع يقلب صحراءك جنه باذن الله
اقبل تحياتي و احترامي

بنوتة مصرية يقول...

دة مش كذب أخى ولكنها محاولة البحث عن الآمل حاول مرة وثانية وصدقنى ستجد فى النهاية الضحكة خارجة من قلبك وستلقى بنفسك كل ما مان يؤلم ويعكر صفو حياتك ..
بسم الله الرحمن الرحيم

قال تعالى {ومن يقنط من رحمة ربه إلا الضالون}وقال تعالى{لا تيأسوا من روح الله إنه لا ييأس من روح الله إلا القوم الكافرون} ...

هون الله عليك مصائب الدنيا

فى أمان الله

Noha Saleh يقول...

لو نسينا الماضى يبقى هنتعلم منين
احنا بنتعلم من كل اللى فاتنا ماينفعش ننساه صحيح بس كمان ماينفعش نعيش وكأن مفيش حاضر
لازم يبقى عندنا امل فى ربنا
طبيعى اى انسان بتيجى عليه لحظات يأس لكن لازم يقاوم ويهزمها ويقف من تانى ويتحدى نفسه علشان محدش يفرح فيه

eng_semsem يقول...

موناليزا
يارب هون علينا همومنا اللي هدت حيلنا وضعفت قوانا ونحن لا نحمل سلاحا لها غيرك
اهلا بيكي

eng_semsem يقول...

مصطفى سيف
ومش هنلاقي مخرج من الوضع ده يا دكتور
اهلا بيك

eng_semsem يقول...

carmen
المشكله يا سمسمه لما الاقي ناس جنبي وبتحاول تساعدني وبرده مش نافع بحس ان الياس اقرب من الامل وان الضعف هو حالي وقوتي ده شئ محال
انا عارف ان انت معايا وجنبي انت وكتير

eng_semsem يقول...

amwaj
بصراحه انت واثقه في قوتي اكتر من نفسي والجبل ما يهزوهوش الريح بس الدنياميت بينسفه والمشكله ان فعلا انت عندك حق انا مفيش حل في ايدي
ولو كل ده تكفير على الذنوب يبقى انا كنت عاصي كبير ليه سبحانه
يارب فك كربنا وخفف عننا
اشكرك لتواجدك

eng_semsem يقول...

كارولين فاروق
المشكله لما كل شويه تصحى المشكله بمشكله ملهاش حل زي المشكله اللي قبليها يعني عباره عن حبة مشاكل وانا ما بينهم عايش
نورتيني

eng_semsem يقول...

شيرين سامي
انا اسف اني اكون يوم سبب في دموعك
ولكن هذا ما احاول ان اكون لا شئ غير نانا اكون انا كما اريد وليس كما يريد الاخرون ولكنني مجبر على الخضوع
اسف مره تانيه

eng_semsem يقول...

بنوته مصريه
انا لست قانط من رحمة الله ولكني اتالم من الصدمات واما ما يعكر صفو حياتي فهي حياتي فكيف اتخلى عن حياتي
اهلا بيكي واشكرك على دعواتك

eng_semsem يقول...

noha saleh
انا نفسي يكون ماضي وبعدين اقرر انساه ولا افتكره ولا احفظه بس المشكله انه حاضر وبقاله كتير حاضر اما حتة حد يفرح فيا مش هتفرق معايا كتير انا اللي هيفرق معايا اللي هيفرحني انا
تقبلي تحياتي على وجودك

رحاب صالح يقول...

اسامة
بمجرد انك قلت الكلام ده
معناه قوة مش ضعف
بمجرد انك اديت نفسك الفرصة والقوة لتحكي ما حدث برغم مرارته فده فوة
بمجرد انك كتبت بالالووان المختلفة
ف ده كله معناه قوة
انت لية بتحسس نفسك دايما بالضعف والخمول والاستسلام
ما تسيب نفسك وتديها فرصة وادي للي حواليك فرصة
بلاش تضيع نفسك وتضيع اللي بيحبوك واحد ور التاني
صدقني بس فرصة وساعتها هتلاقي حياتك اتغيرت وبقت احسن
مستنية التغيير ...

ツSmiLeY AnGeLツ يقول...

لو كان هذا كذب يبقى كلنا بنكذب
كلنا بنقول خلاص نسينا ونزيف الموضوع
لكن ماننساه
هذه هي الحياة وطبيعة الانسان
بيزيف المواضيع يمكن ينسى كل الي يصير معه او الي صار
اخي اسامة انت ماكذبت انت حاولت تغير واقع حياتك عشان تنسى
اتكلم قول كل الي داخلك
وتأكد اننا كلنا جمبك نساندك ننصحك لو عايز نصيحة
انت اخونا والاخ لاخوة صح
لو عايز نضحك بنضحكك
اقولك على نكته
يقولك مرة مبارك وزين العابدين رسلوا رساله للقذافي وكتبوا فيها
فلة شمعة منورة انت معانا
ههههههههه
ها كيف ضحكت
ربنا يسعدك يارب ويوفقك ويبعد عنك الهم والغم
امين يارب
ولازم تعرف كلنا جمبك دائما واي وقت تحتاجنا
تقبل مروري ^_^
سلامي لاخويا اسامة.

Amwaj يقول...

آنا واثقة ومتأكدة بعد من قوقتك
الموضوع محتاج صبر عشان ينحل لأن في عدالة إلاهية تقول إن الله ما ينسى عبيده وما ورا الشدة إلا الفرج

تصبر وتوكل على الله وبإذن الله بتفرج

ومو شرط الإنسان يكون مذنب عشان الله يبتليه, بالعكس يمكن يكون اختبار لنا عشان يشوف صبرنا ورضانا بقضاءه وقدره

الله يصبرك ويفرجها عليك يارب

طمنا عليك :)

Tears يقول...

كلنا بينتابنا لحظات ضعف او انكسار و ربما يأس

انت محتاج تريح أعصابك شوية و بعدها تقعد مع نفسك و تواجهها بكل المشاكل و تفكر فى حلول جذرية لان مافيش حاجة مالهاش حل غير موت عزيز و لو ان حتى دى التغلب عليها بيكون بالصبر و الايمان

النسيان نعمه كبيرة...كل شىء بيتولد صغير و بيكبر ما عدا الحزن

حرّة من البلاد..! يقول...

أخي أسامة
لا عليك أخي كلنا نمر في أوقات نحتاج ان نخدع أنفسنا باننا بخير وبأننا أقوياء وبالحقيقة أن الضعف قد أتى على كل مفصل من مفاصل حياتنا
لا عليك أخي ان بكيت لا عليك ان نفست غضبك كيفما تشاء لا عليك في أن تحزن ونحن سنشاركك حزنك وسنقف لجانبك حتى تتخطى مرحلة الألم الى مرحلة الامل
تحتاج ان تجلس مع ذاتك فاحضنها بقوة
وانفض عنها كل ما ألم بها
وتأكد أن لك رب كريم سيزيل همك بادن الله
ان شاء الله وأقولها متأكدة بان الله سيرد لك ابنتك الى حضنك قريبا
وان شاء الله راح نشاركك فرحتك كمان
خذ وقتك وعد لنا بقوتك وصبرك واملك بالله
اعتذر عن الاطالة
دمت بخير
تحياتي

ليلى الصباحى.. lolocat يقول...

السلام عليكم اخى
كم اشعر بألم كلما قرأت لك بوست لخواطرك الشخصية
لازم تعرف اخى ان فيه فى الدنيا ناس بيشعروا بألمك وبيدعولك بتفيج الهم و تيسير الحال

لن اكتب ما اتمناه لك هنا لكن سأدعه بينى وبين ربى وهو حسبنا جميعا



اما بخصوصو الحديث
الحدث الذى ذكرته بالمدينة الفاضلة برواية اما الرواية التى تقصدها فهى


قال النبي عليه الصلاة و السلام:" و خير النساء مريم بنت عمران ثم فاطمة بنت محمد ثم خديجة بنت خويلد ثم ءاسية بنت مزاحم" رواه الحافظ ابن عبد البر.

وفى رواية اخرى ايضا خير نساء اهل الجنة وذكر الاربعة وللعلم ايضا ان من زوجات الرسول الكريم بالجنة مريم بنت عمران ومريم اخت موسى والله اعلم وذلك تشريفا لهم بزواجهم من الحبيب محمد

يااااااارب اكون معاهم :)

اخى العزيز اقول لك امرا تعرضت انا له اثناء مرضى (( الخطير )) الذى شفانى الله منه بفضل الله
كانت صديقتى المقربة دائما تقول لى مادام الابتلاء ليس بدينك فكل امر بعده سهل

فوض الامر لله وتوكل عليه

تحياتى وتقديرى لك

eng_semsem يقول...

re7ab sale7
انا مهندس وبحسبها وشايف ان الاحمال كتير والاساس معدش يستحمل خبطات وبعدين القصه مش اديهم فرصه يقربوا مني واحرقهم بناري مش اكتر خوف عليهم مش عشان اي حاجه تانيه
منوراني واكيد مش زعلانه مني

Emtiaz Zourob يقول...

حاسة كأني باتحدث عن نفسي ،، ساعات كثير باحاول ابث الامل والتفاؤل في قلوب من حولي وانا قلبي مفعم بالأسى والحزن .. اعطي نصائح للغير وغير قادرة على ان انصح نفسي ..
كلنا كاذبين .. ولكنه باعتقادي كذب مسموح به .. وربنا يصلح أحوالنا يارب.

eng_semsem يقول...

خواطري مع الحياه
وانا بتكلم معاكم بجد وبكل صراحه لانكم فعلا اخواتي وانا لما بحتاج حد جنبي بجري عليكم وتسلملي محاولتك عشان اضحك وانت فعلا اخت عزيزه عليا وبشكرك لدعواتك

eng_semsem يقول...

amwaj
انا قوتي بستمدها منكم لانكم فعلا كل ما املك ويارب تكون كفاره لينا من الذنوب ويكون الفرج قرب

eng_semsem يقول...

tears
المشكله اني عايش في هدوء واكتر من كده راحه لعصابي تعني الموت ومش بس موت القريب هو اللي بيزعل وبعدين هو في اقرب ليا من نفسي
يارب صبرني على الاحزان

eng_semsem يقول...

حره من البلد
احتوي بداخلي غضب وياس وضعف ومن قلة الحيله ما يهلكني ولكنني تكلمت لاحتمي بكم من نفسي وانا استمد قوتي منكم واعلم انكم لن تخذلوني وانا في انتظار الفرج

eng_semsem يقول...

ام هريره
اختي العزيزه يحزنني ان اصيبك بالالم واشكرك على دعواتك وانا اعلم انها نابعه من قلبك فهي تكفيني اما بخصوص الحديث فكما ذكرت لك ما اعلم كي اتحرى الدقه في المعلومه حتى تصل الى كمالهاوقد اخبرتك اني فقط اريد التاكيد منك وانا اثق بكي
حسبنا الله عليه توكلت واليه المصير
اللهم لا تجعل مصيبتنا في ديننا

eng_semsem يقول...

وجع البنفسج
ربنا يصلح اجوالنا جميعا ونلاقي الامل والتفاؤل قدام عيننا ونلاقي الصبر على الهم والحزن يحمينا
اهلا بيكي

Casper يقول...

كتير مننا بيحاول يتغلب على همومه ولو بالكذب بانه ينساها او يتجاهلها او يصطنع الضحكة وليس هذا من عيب بل ذاك هو الافضل حتى لا يترك نفسه للهموم فتفتك به

واقول كما قال مصطفى
لو كان هذا كذبا فانا ايضا كذلك

ربنا يخفف عنا جميعا
________

بجد البوست تحفة وجميل جدا رغم انه حزين وقلب علينا المواجع

خالص تقديري لفكرك وقلمك
بالتوفيق دائما

واسال الله لك ان يسعدك في الدنيا والاخرة

تقبل مروري
Casper

Unknown يقول...

لو كان الامل وتفائل اسمهم كدب ف ما احله من كذب وسأكون انا من بعدك كذابه ايضا

ربنا يريح قلبك ويهدي سرك ويشرحلك صدر وييسرلك امرك يا باشمهندس اسامه

mrmr يقول...

انت لم تكذب فقط كنت تحاول ان ترسم على شفاهك وشفاهنا ايضا الابتسامات وهذه فى حد ذاتها فضل كبير منك لنا
فانت مثال الانسان الذى يحارب من اجل البقاء فكن ذلك المجاهد حتى تلتئم جروحك وكن قويا وصبورا ايضا وتحلى بالامل
ربى يسعد قلبك

eng_semsem يقول...

casper
البوست ممكن يكون طلع اجمل مما كنت انا بفكر في شكله وان جيت للحق انا اصلا ما فكرتش في شكله لاني كتبته من قلبي الى البوست مباشرة من غير ما افكر في البدايه انا هكتب ايه
اهلا بيك واتمنى لك السعاده الدائمه

eng_semsem يقول...

mena
منه ظهرتي بعد غياب طويل لكن منوراني واشكرك على دعواتك وانضمامك الى من يكذبون على انفسهم كي يعيشوا في دنيتهم

eng_semsem يقول...

mrmr
جذب انتباهي في تعليقك كلمة مجاهد وهي ما اظن انني كنت ابحث عنها فعلا لن نعيش الا بتضحيه وصبر على الماسي
تقبلي تحياتي وسعادتي بتواجدك

D : Nour يقول...

السلام عليكم و رحمة الله و بركاته

فكرتنى بــ فيلم أنا لا أكذب و لكنى أتجمل

تلك هى الحقيقة
نحن فى أمس إحتياجنا للتجمل عندما نقف على أبواب اليأس

لــ نخرج من مستنقع الآلم و الحزن
و نرسم البسمة على الشفاة و القلب يتمزق
و الفرحة فى العيون و الدموع متحجرة

حتى نتستطيع التواصل مع الحياة
لابد من النسيان أو إفتعال النسيان
و نبدأ صفحة جديدة بها إشراقة أمل

أخى الفاضل
لا أجد سبب وجيه للعودة للوراء بعد التقدم خطوات لا بأس بها

ليس ما حدث نهاية الكون
فكل يوم يمر يحمل معه الجديد و الكثير من الفرح و الآلم و الحزن و السرور

لـــ نترك الماضى و لا نفكر فيه
و نعيش الحاضر بأمل و إشراقة مستقبل سعيد

كل إنسان يمر بــ تجربة
هو الوحيد القادر على الخروج من تجربته هذه إما أقوى .. و إما أضعف

و أنت لن تكون أول و لا آخر البشر الذى حدث معهم ما حدث لك

إعتبرها إبتلاء من الله عز و جل
فــ لتصبر على محنتك حتى يأتيك الفرج
و ييسر الله لك كل أمورك

ولا تحاول فتح ألبوم ذكرياتك المؤلمة
إنما إبحث عن الذكريات الجميلة السعيدة
التى تحملك معها على جناح الأمل و التفاؤل

و تذكر دائمـــاً أنك الوحيد القادر على مصالحة ذاتك و الوصول بها لــبر الآمـــان
فإن لم تكن لديك الرغبة .. فلن يستطيع الغير مساعدتك

تمنياتى بالعودة ســريعاً و ترك ما فات

أرق تحياتى

الاحلام يقول...

ربما تكون كذبات ولكن كفى انها محاولات للرجوع مره اخرى ربما تكون محاولات لالتئام الجروح من جديد فالامل موجود طالما الحياه مستمره
كلمات جميله تعبر عن قلب حزين ملىء بالصدمات لكن الامل موجود فى ان يخطو الى بر الامان
تقبلى مرورى وتحياتى الاحـــــلام

جايدا العزيزي يقول...

اسامه

انا لا اسميه كذب

ربما هروب من الواقع ربما لنرضى غرورنا

يعنى كذبه بيضاء لم تسيئ بها لاحد

واكثرنا احيانا يخشى الفشل لذا يكذب

اشكرك على صراحتك وابتسم للحياة

تحياتى

سكرتيرة جديدة يقول...

لا ياس مع الحياه ولا حياه مع الياس

وطالما اعترفت ..يبقى ده اول طريق للحياه الصح

المدونات مليااااااااااانه كلام

لكن مابيدخلش الدمغ ولا القلب الا الكلام الصادق


معاك يا سيدي
كمل ..حتى لو هتكدب تانى ...هتبقى عارفه ان مش ده اللى انت عايز تقوله

ماتخليش الكلام يخنقك ولا تحسبله الف حساب
خرجه للنور عشان تقدر تعيش

eng_semsem يقول...

d nour
انا اتمنى التعرف علي ك جدا فانا ارى بين كلماتك الكثير من المشاعر والتي احب ان اعرف من يتكلم بها يسعدني دائما تواجدك ولكن اريد ان اعرف من انت
اما عن ما حدث لاكتب تلك الكلمات فهي هزة واتمنى الا تعود
اهلا بيكي

eng_semsem يقول...

الاحلام
اهلا بك دوما ويسعدني تواجدك واعذرني على تقصيري هذه الايام

eng_semsem يقول...

جايدا العزيزي
ربما تكون محاولة هروب ولكنها دائما ما تصيبني بالاحباط لعدم نجاح الهروب من ما مضي من احزان
وكم اتمنى زوالها
اهلا بيكي وترجعي لينا بالسلامه

eng_semsem يقول...

سكرتيره جديده
اتمنى ان تزول المحنه وينقضي ما مضى ولكن احيانا تذكرني بعض الاحداث بسوء ما حدث معي فتصيباني بكابة صعبه وارجو الخروج دائما منها
اهلا بيكي

D : Nour يقول...

السلام عليكم و رحمة الله و بركاته

أخى الفاضل

معرفتى بك و بــ مدونتك كانت بمحض الصدفة

أنا من زائرى مدونة موناليزا منذ ما يقرب من ثلاث سنوات

بمحض الصدفة وقعت عينى على الصورة الرمزية
و تبعها الإسم

صراحــــــة
إندهشت و إستغربت
لأن لى صديق يضع نفس الصورة
و الإسم يشبهه إلى حد كبير فهو أسامة ناصف
و أيضاً مهندس و له مدونة
دخلت هنا حينها توقعاً منى أنها مدونة جديدة له

و لكنى وجدت شخصاً آخر
شدنى الكلام كى اعرف ما يدور هنا
و كان لى تحفظات من البداية على كثير من الأحداث
و لكن لم أشأ أن أسبق بالنهاية
التى مازلت مقتنعة بها تماما حتى الآن

أما عنى أنا ..
أنا ما كانت تود كثيراً أن يكون لها بلوج خاص بها بالتحديد من أبريل 2008
و لكن الأهل رفضوا و بشدة
و ناشدونى أن أكتب فى أجندتى أفضل من النت
و بالفعل اكتب الكثير من الخواطر
و أحياناً قصص قصيرة
لكنى لا أميل لــ سرد الذكريات
ولا فى التطويل
أحب المختصر المفيد
كلمة واحدة ربما تحمل معها بلاغة ووصف فوق العادة

تلك هى تفاصيلى

شكراً لــ إهتمامك

أرق تحياتى

eng_semsem يقول...

d nour
سعدت بمعرفتك ولن اناقشكي في اختياراتك ولكن ساخذ من كلماتك وسيخرج منها البوست القادم
اهلا بيكي دائما

كلمات من نور يقول...

هذه ليست كذبات

بل صرخات مطالب و أحلام و أمنيات

حقق الله أحلامك ومرادك

miroooo يقول...

السلام عليكم
بقالى كتير جدا مزرتكش ومقصره جدا
بس ده ميعتبرش كذب يا بشمهندس لانك بتحاول انك تخرج نفسك من حاله الحزن وترسم البسمه على وجوهنا وده مش عيب خالص مش لازم نفضل عايشين فى الحزن والهموم على طول حتى لو احنا من جوانا مجروحين
ربنا معاك ويفرج كربك
تحياتى

eng_semsem يقول...

كلمات من نور
ربنا يحقق احلامنا وامالنا كلنا اهلا بيكي منوراني

eng_semsem يقول...

miroooooo
كلانمك جميل وياريت في طريقه تخلينا نخرج من احزاننا بس احيانا بنحس ان الخروج شئ مستحيل لانها بقيت جزء من حياتنا
اهلا بيكي ونورتي وبرده انا كمان مقصر معاكي سامحيني

rona ali يقول...

احنا احيانا بنعتقد من جوانا
اننا بنكذب علي نفسنا لما نحاول
نقول لغيرنا ان كل شئ ممكن
بس احيانا كتير احلامنا بتحقق وبيبقي جوانا امل ولة شئ عايزينه متحققش بيبقي لارادة ربنا وممكن ربنا يدينا اللى احسن منه بس احنا ساعتها بنفضل نبص علي اللى محققنوش ومنبصش علي اللى حققنا فعلا

تحياتى موضوع جميل يستحق ان تضعه في الافينت :)

aya mohamed يقول...

بنعرف ندى اكتر ما بناخد من الدنيا
علشان كدا بنحس كتير اننا بنكذب
لما نقول ان ف امل واحنا مش حاسينه
بس اوقات فاقد الشئ يعطيه
ربنا يوفقكم ف حياتك ويكتبلك الخير يارب

eng_semsem يقول...

rona ali
اشكرك على تواجدك وتعليقك وان كلماتي نالت استحسانك ويبقى المل موجود يضعف لكن لا يموت
اهلا بيكي

eng_semsem يقول...

Aya Mohamed
نحن نملك الامل بداخلنا ولكن احيانا نشعر بالضعف
اهلا بيكي واسعدني تواجدك