الأحد، 13 فبراير 2011

عيد الحب

جئت ومعي ورود واتمنى ان تكفي لكل من احب


اليوم سنحتفل معا بعيد حب مميز جدا لانه له طابع خاص هذا العام وحملت معي الكثير من الورود اريد توزيعها على كل من احب واتمنى ان تفي الورود بتوصيل رسالتي اليهم واريد ان اخبرهم اني احبهم في الله .
وردة حمراء بلون دم الشهداء اقدمها لارواحكم الطاهرة التي صعدت الى السماء واشكركم على ما قدمتوه من اجلنا فقد كنتم فعلا نعم الاهل والاحباب فقد دافعتم عنا بارواحكم من اجل ان ننال حريتنا واتمنى ان تسكنوا جنة الرضوان وتنالوا العفو والغفران.
وردة صفراء اقدمها لكل من ساعد وجاهد بنفسه وكان يقف في الميدان ويملأ جميع شوارع مصر ويهتف بصوته حتى سمعه العالم في كل مكان نعم لقد راينا بفضلكم الشمس تشرق من جديد وراينا شعاعا اصفر يهبط من السماء جعلنا نشعر بدفئ الاوطان صبرتم وانتصرتم فعشتم وعشنا دوما احرار .

وردة بيضاء اقدمها لاهلي واصحابي واحبابي واصدقائي المدونين متمنيا من الله ان يديم عليا حبكم وانا ضعيف بدونكم فماذا اكون انا ان لم اكن معكم فانا اكتسب قوتي منكم واشعر بسعادتي معكم ادام الله الحب والسعادة والفرح بيننا .
وردة اقدمها لمن لا استطيع ان اراها ولا المس يداها ولكنها في القلب محفورة وانا اثق في الله انني يوما ساراها واتمنى ان تكون في سعاده وصحه دائمه .
واقدم وردة لكل من يحمل في قلبه حب لزوجته او لزوجها اتمنى ان ينالوا من راحة البال والسعادة والحب والافراح وان يتقنوا تربية اطفالهم فهم من نلجا اليهم عندما نحتاج الرجال والنساء لتحرير الاوطان وهم الطريق للوصول الى المسجد الاقصى .
ورده لكل من مازال يبحث عن نصفه الاخر واصبر ما تستعجلش نصيبك هيصيبك المهم تصبر عليه وتحافظ عليه وتحافظي عليه .
كل عام وانتم بخير جميعا وجعل الله كل ايامنا حب وتعاطف ومودة فيما بيننا واتمنى الصحة والسعادة وراحة البال للجميع ادام الله علينا السعادة والحب.

هناك 40 تعليقًا:

Unknown يقول...

أشكرك يا أسامه على ورودك الجميله و انك منسيتش حد كل سنه و انت طيب و انشاء الله السنه دي تبقى مليانه حب

موناليزا يقول...

جميلة باقات الورد:)
وجميل فحوى الموضوع مع طابع الرومانسية فيه
وعجبنى نصايح المختصرة للأزواج

ان شاء الله تشوف ملك قريب وتكونوا فى أفضل حال

eng_semsem يقول...

شيرين سامي
انا مقدرش انسى حد لان فعلا بعتز بكل اللي اعرفهم ويارب السنه ده تبقى مليانه حب للكل

eng_semsem يقول...

موناليزا
الاجمل وجودك في الاحتفال معانا واخجلتم تواضعنا بكلاماتك الجميله ويارب كل واحد يحقق احلامه
منوراني

سواح في ملك اللــــــــــــــــــه- يقول...

يامنتهدي الورود
وردة لك اخي الطيب
فيها جمال وحلاوة مصر

مصطفى سيف الدين يقول...

كل سنة وانت طيب يا باشمهندس
وكل سنة وكل المصريين طيبين
وربنا يجعل ايامنا كلها اعياد
الفلانتين السنادي هو عيد حب الشعب المصري اللي اثبت انه ايد واحدة
تحياتي

من كل بستان زهرة يقول...

اعتقد ان ده اروع عيد حب
هيمر علينا في حياتنا
باقه ورد لكل شهيد
ولقلب كل ام ضحيت بجزء منها علشان بلدها تعلو وتنهض
وباقه ورد ليك اكيد يا اسامه

Amwaj يقول...

أسامة البوست عجيب ويفتح النفس :)
مشكووور على الوردة البيضة

وإنت قوي معانا ولا من غيرنا
وبعدين ما أتوقع في مصري ضعيف بعد اللي سويتوه وفرحتوا الناس فيه :)

كل عام وإنت وكل غالي عليك بخير وصحة وسلامة يارب :)

Noha Saleh يقول...

السنة دى عيد الحب هيبقى لمصر
كل سنة واحنا بنحب مصر

بنوتة مصرية يقول...

اللى يقدم الورد للناس ليعبر به دة اكيد شخص يحوى بداخله رقه وعذوبه ..
بارك الله فيك ..كل الورد اللى طرحتة جميل والآجمل انه بيوصف كل واحد فينا حسب شكل الوردة اللى يميل لها .. انا خصوصاَ اميل واحب زهرة البنفسج فكم تمنحتى تلك الزهرة شعور بالسعادة عندما اقطفها او اشتريها من بائع الورد .. حتى ان بعض الآصدقاء من كثرة حبى لتلك الزهرة يلقبونى بالبنفسج بدل اسمى ..

شكراَ جدا على كل الورود الجميلة دى .. اليوم هو .. يوم فى حب مصر
تحياتى

حرّة من البلاد..! يقول...

شكرا يا اسامة على وردك الجميل
وانا بدوري اقدمه لاهل مصر الاحرار
دام عزكم وانعم الله عليكم بنسيم الحرية
تحياتي

eng_semsem يقول...

سواح في ملك الله
تحيه غاليه ليك وكنت عايز اطمن عليك انت كنت اختفيت شويه يارب خير

eng_semsem يقول...

مصطفى سيف
كل سنه والجميع في حب وسعاده وفعلا العيد ده مختلف لان كتير اثبتوا قد ايه بنحب مصر وقد ايه بنحب بعض

eng_semsem يقول...

من كل بستان زهره
فعلا ناس كتير تستاهل الورود للي قداموه لينا
والف شكر ليكي على اللي ليا

eng_semsem يقول...

amwaj
مشكوره على كلاماتك الرقيقه
واحنا قوتنا في اننا ايد واحده مع بعض كل عام وانت بخير في حب وسعاده

eng_semsem يقول...

noha saleh
ووهو ده المميز في العيد السنه ده ان مصر بتحتفل معانا برجوعها لينا وان الشباب اثبتوا قد ايه بيحبوها

eng_semsem يقول...

بنوته مصريه
اشكرك على كلماتك الجميله وكم اتمنى ان اكون جديرا بكلماتك
وبعدين اختاري الورده اللي انت عايزاها وخدي اللي بتحبيه
ده يوم بنحتفل بكل ذرة حب جوانا

eng_semsem يقول...

حره من البلاد
وكم نتمنى من الله ان تنضم بلدنا التي لا غنى عنها الى الاحرار ويرحل المغتصب الصهيوني وتعود فلسطين لنا
تحيه غاليه لكل اهل فلسطين

مدونة رحلة حياه يقول...

السلام عليكم
وردة مقبولة يا باشمهندس
هبعت لك جنينة ورد كاملة وانت اختار براحتك
كل سنة انت طيب وربنا محقق امالك واحلامك وكل اصدقائنا واخوانا واخواتنا المدونين

هبة فاروق يقول...

شكر لك يا اسامة على الورود والتمنيات الجميلة ويارب تحقق كل ما تتمناة وتلتقى بابنتك وتضمها فى حضنك
وكل ستة وانت طيب وبخير
ومبروك لمصر النصر

Casper يقول...

كل عام وحضرتك بخير
ومصر كلها بخير

خالص تقديري ,,,

eng_semsem يقول...

مدونة رحلة حباه
هديتك مقبوله وفي العين محفوظه
يارب تكون ايامنا كلها فرح وسعاده ونكون دايما مع اللي بيحبونا ونحبهم

eng_semsem يقول...

هبه فاروق
الشكر ليكي لتواجدك معانا
والف شكر على دعواتك الجميله
واهم حاجه بجد بنحتفل بيها السنه ده في عيد الحب اننا اثبتنا اننا بنحب مصر بجد

eng_semsem يقول...

casper
كل عام والجميع بخير وفي سعاده وحب

رحاب صالح يقول...

عيـــــــــ حـب ســــــــعيد
ويا رب تحقق كل امنياتك
حلوة الورود كتير
واكيد وصلت لكل اللي انت فكرت فيهم
برغم الللي حصل السنة دي كله حاسة بالتفاؤل
وأكيد مصر هتبقي ف احسن حال
مش عارفة لية...^-^
بس اكيد الجاي احسن احساسي بيقول ده

miroooo يقول...

كل عيد حب وانت اسع الناس يا بشمهندس
يارب كل ايامك حب
وميرسى اوى على كل الورود الجميله دى
ربنا يديم الحب والموده بيننا جميعا بعضنا البعض ويديم الحب بيننا وبين وطننا الغالى

اجمل وردة اهديها اليك

غير معرف يقول...

كل سنة وانتم طيبين
كل سنة وانت طيب يا ابو ملك
مرسيى على الورد

sal يقول...

كل عيد وانت بالف خير

Carmen يقول...

كل سنة وانت طيب استاذ اسامة وعيد حب سعيد عليك يارب
تحياتي

eng_semsem يقول...

re7ab sale7
يارب تتحقق امني الجميع ونعيش كلنا في حب وسعاده
وان شاء الله بكره احسن من امبارح واحلامنا كلها تتحقق

eng_semsem يقول...

mirooo
يارب السعاده لينا كلنا وتتحقق امانينا والف شكر على هديتك الجميله

eng_semsem يقول...

الحب والجميل
كل سنه وانت طيبه ويارب تكوني حليتي مشكلتك مع المدونه عشان انت غاليه علينا وتستاهلي ورد كتييييير قوي

eng_semsem يقول...

sal
كل عيد وانت بالف خير والجميع في الوطن العربي بخير

eng_semsem يقول...

carmen
كل سنه وانت طيبه يا سمسمه ويارب عيد حب سعيد على الجميع

مهاجره بإحساس يقول...

الورد لا يهدي سوى الورد

يعطيك العافيه


دمت بكل خير

ghada mOhsen يقول...

كل سنه وكل من يحمل في قلبه ذرة حب بخير

كل سنه وإنت طيب اسامه

رائع هو إحساسك
وأعجبتني باقات الورود الفواحه با<مل عطور الصدق والمحبه الطاهره

تحياتي الملونه لروحك الطيبه
^_^

غير معرف يقول...

وكان هذا حقا للاهتمام. كنت أحب القراءة

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

eng_semsem يقول...

مهاجره باحساس
اشكرك على كلاماتك الجميله

eng_semsem يقول...

ghada mohsen
تحياتي لك وشكري على كلماتك الجميله وتحياتي لكل من يحمل في قلبه ذرة حب
كل سنه والجميع في خير وحب وسعاده