الثلاثاء، 23 أكتوبر، 2012

ابعديني


ابعديني عن حياتي ودنيتي واسمحيلي اني اكون جزء في حكايتك ...
نفسي في دور البطوله واكون في احلامك بطلها اللي يعمل كل حاجه في حياته عشان حبيبته و اكون كل دنيتك وتكون بداية حياتي يوم ما تلمس الايادي بعضها 
وساعتها برده ابعديني .....

ابعديني عن العالم وكوني ليا كل حد انا محتاج اليه 
كوني الصوت والصدى كوني الفراغ اللي يحتوينا وكوني الهواء اللي بيه اعيش ومن غيره ينتهي عمري وحتى لما ينتهي ياريت  نهايته جوه حضنك
 بس قبلها ابعديني ....

ابعديني عن نفسي لو نفسي هتحرمني لحظه منك ابعديني عنها لو في لحظة تكبر فكرت تمشي بعيد عنك رغم أن روحي فيكي وبيكي تعيش... ومن غيرها بتكون زي سمكه بتفكر تطير في الفضا لا في يوم هتطير ولا يوم هتعيش وهينتهي ماضيها وحاضرها ومستقبلها كده انا من غيرك....
 بس لوفكرت لحظه ابعديني ....

ابعديني عن عقلي وسيبي قلبي هو اللي يحركني وهو اللي تسمعي كلامه ومهما نطق لساني صدقيني قلبي هايم ومش بيعرف يعيش من غير حبه ليكي ومهما قسي ولا بعد بيكون خوف عليكي لانه دايما نفسه فيكي......
 ولو يوم سمعتيه بيبكي ابعديني ...

ابعديني عن حزني واجعلي بسمتك الدوا لكل احزان العالم وتنور طريقي  وتقربني ليكي وعلى ضيها اشوف حياتي يا ملاكي اللي عمرها ما هتكون حياه غير وايدي بين ايديكي 
ساعتها بس اوعي تبعديني ......


هناك 22 تعليقًا:

كريمة سندي يقول...

جميلة وأكثر من رائعة سلمت الأنامل وكل عام وانت بخير

فتاه من الصعيد يقول...

إنت إللي مألفها؟ :D

eng_semsem يقول...

كريمه سندي
وجودك بين سطوري هو الاجمل
كل عام وانت بخير وصحه وسعاده
اهلا بيكي

eng_semsem يقول...

فتاه من الصعيد
لو قصدك على الاغنيه لا مش انا لو قصدك على التدوينه انا اللي كاتبها حالا قبل النشر
اهلا بيكي وكل عام وانت بخير

gogo!sf يقول...

كل سنه وانت طيب يا اسامه
عيد سعيد عليك يا جميل

eng_semsem يقول...

gogo!sf
وانت طيبه يا جوجو ويارب عيد سعيد على الجميع

♥ ♥ Amira Samy ♥ ♥ يقول...

تسلم ايدك على البوست الجمييل

تحياتى لك

أميرة

ريـــمـــاس يقول...

مساء الغاردينيا آسامه
دعها تبعدك عن الدنيا وتحتويك في قلبها
فـ قلبها سكنك وجنتك وفرحك
كل عام والحب يطوق قلبك بين أحضانه
كل عام والسعادة رفيقة أيامك"
؛؛
؛
لروحك عبق الغاردينيا
كانت هنا
Reemaas

مروه زهران يقول...


الله
احساسها جميل أووى
كل عيد وانت طيب وبألف خير

رؤى عليوة يقول...

جميلة

كل عام وانت بخير وسعادة

عيد سعيد

سواح في ملك اللــــــــــــــــــه- يقول...

نتمني لككل السعادة اخي

eng_semsem يقول...

♥ ♥ Amira Samy ♥ ♥
الله يسلمك من كل سوء
اهلا بيكي

eng_semsem يقول...

ريماس
ملأ الله ايامنا كلها سعاده وجعلنا واياكم ممن تتحقق امنياتهم ويجدون سعادتهم اختي العزيزه

eng_semsem يقول...

مروه زهران
تسلمي ويسلم وجودك وكل سنه وانت طيبه وبخير
اهلا بيكي

eng_semsem يقول...

رؤى عليوه
كل عام وانت بخير وبصح وبسلامه
اهلا بيكي

eng_semsem يقول...

سواح في ملك الله
واتمنى لك السعادة والتوفيق اخي العزيز
اهلا بيك

momken يقول...



....

جميل كلامك يا بشمهندس
تسلم ايدك

كل سنه وحضرتك طيب

تحياتى

...

شمس النهار يقول...

الكلام رائع
وانت كاتبه بمفردات جميله متركبه مع بعض بهرموني جميل

بس انا مش موافقه علي الكلام ده

:))

لما تبعدك عن كل حاجه حتي نفسك
هتنتبه تلاقي انك مش عارف وتايهه عن نفسك
هتحس فعلا بقا بالغربه
:)

بسمة الورد يقول...

جميله هى احرفك
داب لى هذا المساء تواجدى بين جميل كلماتك

مودتى واحترامى لقلمك

eng_semsem يقول...

momken
اشكرك على تواجدك واهلا بيك دائما

eng_semsem يقول...

شمس النهار
بس هي تعرف تبعدني بس وبعدها يحلها ربنا
اهلا بيكي

eng_semsem يقول...

بسمة الورد
الاجمل مرورك وكلماتك
اهلا بيكي