الأربعاء، 12 سبتمبر 2012

مخلوق ضعيف


ايوه انا مخلوق ضعيف وأصل خلقي عباره عن تراب وماء ودائما ما أنسى ذلك  والنسيان من علامات الضعف ومن منا لا ينسى أشياء مهمه في حياته .
مخلوق ضعيف كلمه وحشه بتزعله وممكن كمان تحبطه وكلمه حلوه تخليه طاير في السما وكلمه تانيه توقعه ويحس أنه مش ممكن يعيش وبيعيش ولما كلمه تحرك كيان يبقى اكيد الكيان ضعيف .
كتير بقع في الغلط لاني انسان ومين فينا مش بيغلط في حياته ولو غلطات بسيطه لكن غيرك ممكن يكون صابه ضرر كبير بسبب غلطه صغيره منك واصل الغلط ضعف مني او تقصير.
انسان محتاج اسمع كلمه حنينه من أم من صاحب من حبيبه من صديق من غير كلامهم مش هعرف اعيش وكلامهم بيولد جوايا الامل  ووقت الشده الاقي السند والحافز الاقي اللي واقف جنبي ومش مستني لوقفته نهايه .
انسان بيتعب ويصيبه المرض بسيط او معقد وساعتها بيحس بضعفه وهو نفسه يشرب الميه ومش عارف من غير مساعده نايم في سريره وشايف امه بتخدمه حتى بعد ما كبر لانه في مرضه بيرجع صغير وسؤال عليه من صاحبه بيبسطه وتليفون صغير يحسسه انه هيرجع لقوته .
لازم نراجع نفسنا ونفكر مين قصر في حقنا لان اكيد ان السبب تقصير مننا شوف وافتكر ودور جوه عقلك وقلبك مين انت مقصر معاه مين مش بتسال عليه مين صاحبك اللي مش شوفته ولا سمعت صوته من كتير لانه اكيد محتاجك ومستني امتى هتفتكره .
اهلك وناسك وبلاش عشيرتك عشان ناس بتزعل منها اسال عليهم لانهم محتاجين سؤالك ونفسهم يسمعوا صوتك ويطمنوا عليك وانت كمان تطمن عليهم وده واجب عليك .
افتكر دايما هدي الحبيب المصطفى اللي اتعلمنا منه ان التبسم في وجه اخيك صدقه تخيل ممكن تدفع كام صدقه في اليوم وبالبسمه البسيطه اللي مش متعبه ليك ممكن تريح قلوب كتير وتحس انها مش لوحدها وافتكر دايما ان في مخلوق ضعيف زيك مستني كلمه منك .

 

هناك 23 تعليقًا:

ظلالي البيضاء يقول...

اللهم اجعلنا مفاتيح للخير .. مغاليق للشر ..
نحب الإحسان ونسعى إليه .. ونكره السوء وننأى عنه ..

بارك الرحمن بك أستاذ أسامة ..
مع التحية الطيبة ..

ظلالي البيضاء يقول...

وخلق الإنسان ضعيفاً ..
تحيتي لك أخي أسامة ..

eng_semsem يقول...

ظلالي البيضاء
يارب نكون عون للناس مش عليهم نساعدهم مش نضرهم ابدا
اهلا بيك اخي العزيز

هبة فاروق يقول...


بالفعل نحن مقصريين ويجب أن نراجع أنفسنا ونتقارب مع أحبابنا من جديد
جزاك الله خيرا على كلماتك الطيبه

نهر الحب يقول...

:)
اهو يا سيدي ولا تزعل
......
صح اوي احساسك كلنا هذا الرجل والله محتاجين حتي لو ابتسامة من حد بنحبه محتاجين نظرة كلمة اي حاجة ولو صغيرة
ولكن مين اللي يفهم

لــــ زهــــــراء ــــولا يقول...

انا مخلوقة ضعيفة لكن بكلامكم الحلو وتشجيعكم هكون اقوى
انا مخلوقة ضعيفة لكن بشدتكم هتكسرها
انا مخلوقة ضعيفة لكن بقوتنا ووحدتنا هكون ونكون كلنا اقوى


لولا

eng_semsem يقول...

هبه فاروق
اذكر نفسي وانفسكم باشياء بسيطه ننساها قد تؤثر على مجرى حياة الاخرين
وجزاكي بالمثل

eng_semsem يقول...

نهر الحب
ما هو عشان بنحبه بنقدر نسامح بس في نفس الوقت ما ينفعش حد يملى مكانه
اهلا بيكي

eng_semsem يقول...

لولا
حاجات بسيطه تنقلنا من مرحلة الضعف للقوه
اهلا بيكي

ليلى الصباحى.. lolocat يقول...

ومين فينا مش ضعيف ومحتاج للاهتمام والحنان !!!!!!!

اسعد الله فؤادك اخى وشرح صدرك دائما
دمت بود ومحبة

;كارولين فاروق يقول...

المشكله ان في القرآن مفاتيح
كثيره للسعاده وللأسف بتاخدنا الدنيا
وتلهينا فصله الرحم واجبه والسؤال
واجب لكل من يحتاج اليه وكل من نهي
عنه الله رحمه للإنسان
جزاك الله خيرا
ويارب تكون بدايه خير لكل من غاب عنه
السؤال
تحياتي

eng_semsem يقول...

ليلى الصباحي
اختي العزيزه اللي بكون سعيد جدا بتواجدك ما بين كلماتي وكم اتمنى لك كل خير
اهلا بيكي

eng_semsem يقول...

كارولين فاروق
فعلا دينا فيه كل حاجه بس احنا اللي بننسى او نتناسى ربنا يهدينا ويصلح احوالنا جميعا
اهلا بيكي

حنين محمد يقول...

صباح الغاردينيا آسامة
وهل أجمل من المحبة وقلوب نقية صافية
كلنا أطفال أمام إغراء الحب والمحبة ممن هم حولنا ومعنا "
؛؛
؛
وهبك الباري دفئ يستحقه قلبك
لروحك عبق الغاردينيا
كانت هنا
reemaas

شمس النهار يقول...

مين مش محتاج كلمة حلوة وطبطبه من قريب او صديق
ولأهميتها
رسولنا الكريم قال
الكلمة الطيبة صدقة تبسمك في وجه اخيك صدقة

بنوتة مصرية يقول...

الانسان بطبيعته ضعيف كلنا بنحتاج للعطف والحنان عشان نحس اننا مش ضعفاء

reemaas يقول...

المشكلة اننا ديما بنجرى وبالتالى هنفضل مقصرين فى حق حد او حتى فى حق نفسنا

يارب نقدر نظبطها

eng_semsem يقول...

شمس النهار
وعشان كده بحاول افكر كل الناس اننا محتاجين الكلمه ده واللي مقصر يفكر هو مقصر مع مين
اهلا بيكي

eng_semsem يقول...

ريماس
كلنا محتاجين حد يفكرنا بحاجات ممكن بننساها او نكسل عنها برغم بساطتها
اهلا بيكي

eng_semsem يقول...

بنوته مصريه
وانا قولت افكركم وافكرني
اهلا بيكي

eng_semsem يقول...

reemaas
ودايما في جرينا بننسى حاجات اهم من اللي بنجري عليه ولازم نوازن الامور
اهلا بيكي

βent Pasha يقول...

فعلا الانسان مخلوق ضعيف ، وأقل تدعيم ليه بيقويه ، و ف إيده إنه يفتح لنفسه أبواب خير كتير .. مثل الحديث الشريف القائل:
(( كُلُّ سُلَامَى مِنْ النَّاسِ عَلَيْهِ صَدَقَةٌ، كُلَّ يَوْمٍ تَطْلُعُ فِيهِ الشَّمْسُ تَعْدِلُ بَيْنَ اثْنَيْنِ صَدَقَةٌ، وَتُعِينُ الرَّجُلَ فِي دَابَّتِهِ فَتَحْمِلُهُ عَلَيْهَا أَوْ تَرْفَعُ لَهُ عَلَيْهَا مَتَاعَهُ صَدَقَةٌ، وَالْكَلِمَةُ الطَّيِّبَةُ صَدَقَةٌ، وَبِكُلِّ خُطْوَةٍ تَمْشِيهَا إلَى الصَّلَاةِ صَدَقَةٌ، وَتُمِيطُ الْأَذَى عَنِ الطَّرِيقِ صَدَقَةٌ )) صدق الرسول الكريم

وغيرها الكثير من أعمال البر التي تجعل الانسان يحس بقوته إذا فعلها

تحيتي لما خطت يداك
:-))

eng_semsem يقول...

βent Pasha
اهلا بيكي ونورتي في مدونتي المتواضعه