الجمعة، 31 أغسطس، 2012

دبلتين


دبله فضه مرسوم عليها اسمك عشان يبقى اسمك مكتوب عندي مرتين مره على دبلتك ومره جوه قلبي .

دبله دهب بتقول اني حبيبك وان شاء الله اكون من نصيبك وانك رضيتي اكون شريك حياتك ويوم ما كنت بحطها في ايدك كنت حاسس اني بحقق حلم بيكي .

دبله فضه حاسس انها احلى حاجه فيا وان يوم هكون معاكي وتكوني ليا زوجه وام لعيالي وتكون كل دنيتي ليكي .

دبله دهب قيمتها كلها وجمالها انها في ايدك وكانت عاديه واحنا بنشتريها لحد ما كتبتي اسمي عليها اصبح جمالها ما يتوصفش مش عشان اسمي اكيد عشان في ايديكي .

دبله فضه نفسها تنتقل من ايدي اليمين وتروح لايدي الشمال وحاسه انه مشوار طويل لكن معاكي بتحس ان المستحيل الشئ بسيط .

دبله دهب في ايديكي تفكرك دايما اني جنبك واني ابيع الدنيا كلها عشان خاطر عينيكي لاني مليش غيرك انت دنيتي وبدايتي واتمنى اني اموت وانا بين ايديكي .

دبله فضه توعدك اني هكون امين عليكي واحاول بكل جهدي اني اسعدك واحقق امانيكي ولو اطول اجيب القمر  هديه مش هيكون كتير عليكي .


دبلتين نفسي تجمعهم الحياه وتدينا السعاده وبعد الخطوبه تكتب لينا الجواز وشقه تجمعنا واحلام نحققها وايدي في ايديك ما تبعدش عنها لحظه واحده وتكوني انت نور طريقي اللي بنرسمه سوا ونمشي فيه مع بعضنا نحقق  فيه احلامنا ويكون اللي جاي اجمل واحلى طول ما انت جنبي ربنا ما يحرمني منك .
كل سنه وانت معايا
 





 


هناك 47 تعليقًا:

مدونة رحلة حياه يقول...

السلام عليكم
كل وقت وانتم مع بعض
ربنا يتم فرحتكم بخير ويجمعكم قريب
دومتم سعداء

eng_semsem يقول...

وعليكم السلام
ربنا يكرمك يا محمد وعقبال ما نفرح بمعاذ
اهلا بيك

شيرين سامي يقول...

ربنا يسعدكم و يحفظكم و يحقق كل أحلامكم
أجمل كلام اللي بيطلع من القلب
خصوصاً لما يكون فرحان
و ده محسيتهوش غير هنا :)

مبروووووك يا أخي العزيز

سواح في ملك اللــــــــــــــــــه- يقول...

مبرووك ياأسامة

نتمني ليك كل الخير والسعادة

تحيتييأسامة العزيز

;كارولين فاروق يقول...

ربنا يهنيكوا ببعض
وألف مليون مبرووووووك
ويجعل أيامكم كلها أفراح
دعواتنا لكم
تحياتي

فاتيما يقول...

متفقة جدااااااااااا
مع أبو معاذ الطيب ....

ربنا يجمع بينكم ف خير
ويبارك فيكم يا رب


:)

eng_semsem يقول...

شيرين سامي
ربنا يبارك فيكي
ريملى ايامنا كلها سعاده
هلا بيكي

eng_semsem يقول...

سواح في ملك الله
الله يبارك فيك ويسعدك اخويا خالد
اهلا بيك

eng_semsem يقول...

كارولين فاروق
ربنا يكرمك كارولين ويسعد ايامك
واشكرك على تواجدك ودعواتك

eng_semsem يقول...

فاتيما
وانا سعيد بوجودك ودعوتك
ربنا يسعد ايامك

رؤى عليوة يقول...

مبرووووووووك ربنا يتمم بخير

ويارب عقبال ما تقولنا انها بقت فى الشمال
وبعدين تقول بقى عندنا عيال :)


دمت بخير

لـــولا وزهـــراء يقول...

باشمهندس مبرووووووووووك .. انا عنيا دمعت من حلاوة الكلام اللي طالع من القلب ربنا يبارك فيكم وليكم ويسعدكم ويتمم عليكم بخير
بارك الله لكما وبارك عليكما وجمع بينكما في خير .


لولا

ريبال بيهس يقول...

مساء الورد

الله يحفظكم ويحميكم ويكتب السعادة لكم

طول العمر وتتحقق أمانيكم :)

كلمات رائعة خارجة من قلب محب فكان

لابد أن تصل للقلوب كلها دون أذن .

تحياتي وإحترامي

ليلى الصباحى.. lolocat يقول...

الله اكبر ماشاء الله
الف ملييييييييييون مبروك اخى العزيز
لله الحمد رب العالمين
فرحت جدا جدا لك ربى يتمم لك بخير ويجمع بينكم فى سعادة وود ووئام وهنا وفرح

ان شاء الله قريبا جدا تكونوا تلاتة

تحياتى الدائمة لك

ريـــمـــاس يقول...

صباح الغاردينيا
يااااه مشوار طويل لحد ماشفت هنا ابتسامة قلبك
ربنا يحقق لك كل حلم غالي ويسعد قلبك
ويجمعك بيها وتتنقل الدبلة من اليمين للشمال
وتشيل عن قريب أخ لأبنتك التي أدعو الخالق أن يجمعك
بها لتكتمل سعادتك "
؛؛
؛
لروحك عبق الغاردينيا
كانت هنا
Reemsss

هبة فاروق يقول...

مبروك يا اسامه الف الف مبروك
ربنا يتمم لك على خير يارب ويسعد قلبك ويهنيك
حافظ عليها وحطها فى عنيك
وقريبا بقى تشيل الصوره اللى مليانه وحده والم ونشوف صوره ثانيه لقلب وحب وفرحه
الف مبروك

eng_semsem يقول...

رؤى
ربنا يبارك فيكي وعقبال كل اللي لسه مش لقوا نصهم التاني
اهلا بيكي

eng_semsem يقول...

لولا
انا مصدقك ان عينيكي دمعت لانك اختي اللي لسه مش شوفتها بس حسيت قد ايه بتتمني ليا الخير
اهلا بيكي

eng_semsem يقول...

ريبال بيهس
الله يبارك فيك ويديم عليك السعاده
وشكرا على دعواتك الجميله ووجودك
اهلا بيك

eng_semsem يقول...

ليلى الصباحي
اختي الكبيره اللي كتير دعيت ليا ولسه بتدعي ليا ربنا يسعد قلبك دايما وتسمعي دايما اخبار تفرحك
اهلا بيكي

eng_semsem يقول...

ريماس
سارب تكمل سعادتنا كلنا وتتحقق احلامنا جميعا
اشكرك على تواجدك ودعواتك

eng_semsem يقول...

هبه فاروق
ان شاء الله تتغير الوحده والالم لكل الناس ونشوف كلنا السعاده والحب اللي بنتمناها
وهفكر جديا في حكاية تغيير الصوره
اهلا بيكي

المحبه لله يقول...

كل سنة وانت طيب ويارب دايما سعيد
واتمنالكم حياة مليئة بالحب والامل

جميله المصرى يقول...

السلام عليكم

الف الف الف الف الف مليون مبرررررررررووووووووووووك يا اخى الكريم اسامه

ربنا يديم عليكم السعاده والستر ويخليكم دائما مع بعض ويبارك ليكم
والله بجد خبر سعيد جداااااااااااااااااااااا

ربنا يقربكم دائما من بعض وميحرمكوش من بعض ابدا

اجمل التهانى

دمت بكل خير

اختك جميله

faroukfahmy58 يقول...

الف مبروك حبيبى
ولا تنسى علبة الملبس ويكون فيها شيكولاته كتير لان عمك فاروق يحب قوى الحلوى وخصوصا من يد حلوانى زيك يا بشمهندس

ياسمين يقول...

مبروك
ربنا يارب يتمم بخير

re7ab.sale7 يقول...

مساء البنفسج
كل وقت وكل لحظة
وانت بخير وسعادة وحب
وربنا يجمعكم علي خير وف خير

اسماء عبدالعزيز يقول...

مليووووووون مبروك وربنا يعوضك خير
ويجعل ايامكم كلها سعاده وهنا
بجد سعيده مع رجوعى للمدونات تكون الهديه الخبر السار دا
ربنا يتم على خير ويسترها معاكم

كريمة سندي يقول...

يارب كل أيامكم فرح وسرور .. آمين

eng_semsem يقول...

المحبه في الله
كل سنه وانت طيبه يا اختي يا غاليه وربنا يسدك انت وجوزك
اهلا بيكي دائما

eng_semsem يقول...

جميله المصري
الله يبارك فيكي ويسعدك دايما
اهلا بيكي

eng_semsem يقول...

faroukfahmy58
من عينيا استاذ فاروق احلى علبة ملبس ليك وللعيله الكريمه وبلاش طمع بقا ههههههه
اهلا بيك

eng_semsem يقول...

ياسمين
الله يبارك فيكي
اهلا بيكي

eng_semsem يقول...

re7ab.sale7
وانت طيبه وسعيده وفرحانه طول حياتك يا رحاب
اهلا بيكي

eng_semsem يقول...

اسماء عبدالعزيز
وانا سعيد لسببين الاول انك رجعتي والتاني اني كنت سبب في سعادتك

eng_semsem يقول...

كريمه سندي
يارب تكون ايامك كلها سعاده
اهلا بيكي

شمس النهار يقول...

ربنا يفرح قلوبكم ويسعدكم
ومن اجمل لأجمل
:)
ويتم عليكم فرحتكم

بسمة الورد يقول...

مساؤك هنا وسعاده يااسامه

والف مبروك ويارب ايامك كلها خير وسعاده

ربنا يسعد ايامك يارب

ظلالي البيضاء يقول...

بارك الله لكما وعليكما وجمع بينكما في خير ..

كلام جميل وكلام معقول .. ما اقدرش قول حاجة عنه ..

مع تحيتي لكما ..
"أبو أسامة"

richardCatheart يقول...

ممكن اقول ربنا يجمعكم بالخير والله هو اكبر عليكم ويارب اشيل عيالكم فى احلى تجمع وانتم منورين اسكندرية :)

ربنا يسعد ايامكم ويارب كل سنه وانتم الاتين زى الفل وبخير ومع بعض ومعانا طبعا :)

eng_semsem يقول...

شمس النهار
شكرا جزيلا على دعواتك ووجودك
اهلا بيكي

eng_semsem يقول...

بسمة الورد
ربنا يجعل ايامنا كلها هنا وسعاده
اهلا بيكي

eng_semsem يقول...

ظلالي البيضا
ربنا يبارك فيك ويملى ايامك سعاده يا ابو اسامه
اهلا بيك

eng_semsem يقول...

richardCatheart
وانت طيبه وبخير وسعاده ويارب نكون كلنا حاضرين في تجمع قريب ان شاء الله
اهلا بيكي

Entrümpelung يقول...

Thank you for your wonderful topics :)

Bent Men ElZman Da !! يقول...

الف الف مبروووووك
ربنا يسعدكم ويهنيكم ويكملكم على خير ياااارب :))

eng_semsem يقول...

Bent Men ElZman Da
الله يبارك فيكي والف مبروك ليكي الجواز ربنا يتم ليكي على خير ويسعد ايامك
اهلا بيكي