الأربعاء، 28 مارس، 2012

وحشتيني



قد ايه كلمه كبيره ومليانه احساس .... قد ايه كتير بيكون نفس كل واحد يسمعها وبيكون مبسوط وهو حاسس بيها قد ايه انا حاسس انها مش كفايه عشان تقول كل اللي جوايا .
الحقيقه وحشتيني كلمه بسيطه تختصر حاجات كتير تبدأ  بنفسي اشوف عينيكي وياريت لو المس ايديكي والاجمل انك تكوني معايا في كل ثانيه جايه في حياتي . 
نفسي اقولك حاجات كتير بس مش لاقي كلام ينفع يعبر او يوصل كل حاجه وبزعل قوي لما بحس اني اساسا ما عملتش ولا قولت اي حاجه احيانا بقول انك اكيد عارفه كل حاجه عايز اقولها بس حقك لازم تسمعي ولازم اقول كل حاجه بس قلبي معندوش لسان ومش بيعرف يقول كل حاجه لعقلي وحتى عقلي مش بيعرف يترجم كل كلام قلبي طيب اعمل ايه .
اقولك اكيد في يوم هعرف اخدك في حضني وساعتها قلبي هيكون جنب قلبك واكيد هيفتن ما هو مش بيعرف يخبي حاجه عنك بس  ساعتها برده هتوحشيني حتى وانت جنبي.
 عارفه ده احلى احساس في حياتي على قد ما دايما يخليني سارح بفكر وتايه في دنيتي على قد ما بيخليني احس ان ليا دنيا وفي سبب عشان اعيش وبفكر في بكره امتى هسمع صوتك وامتى اشوفك وامتى .... وامتى ياااااااااااه حاجات كتير ومتاكد لو كل اللي قولته اتحقق انا طماع ايوه عارف نفسي اكيد هعوز برده اكتر .
يارب اجمعني بمن احب في خير وعلى خير وارزقنا الحلال وارضني به ولو كان قليل وباعد بيننا وبين الحرام ولو كان كثير وارزقنا الذريه الصالحه .





هناك 24 تعليقًا:

faroukfahmy58 يقول...

المهندس سمسم
شدنى بجدووقفت عنده كثيرا دعاءك الاخير
( يارب اجمعنى بمن احب فى خير وعلى خير وارزقنا الحلال وباعد بيننا وبين الحران
آمين يارب العالمين
خاطرة تحمل معانى سامية

Noha Saleh يقول...

الكلام من القلب فعلا بيكون له معنى اجمل
ربنا يوفقكم ويسعدكم ويجمع بينكم دايما بالخير

غير معرف يقول...

ْ{ وحشـــتينى }

ليست مجرد كلمة
إنمــا إحساس .. شـعور .. نبض وجدان
ينزف عِشــقاً
يلتاع شـوقاً
يئن حنينـاً

من أبسط المفردات
و لكن تحمل أروع حروف الأبجديات
الواو .. ولعٌ
الحاء .. حنينٌ
الشين .. شـوقٌ
التاء .. تـمنى
الياء .. يا عُمرى
النون .. نار ( لظى القلب )
الياء ..يا قــدرى

دمت هكذا ..
ذو قلب مُحب صـادق

تحياتى لنبض قلمك ~

Afnan m7md يقول...

وممكن كمان دعوة اللهم بارك لهما وبارك عليهما واجمع بينهم فى خير ..
ده دعوة الزواج بعد كتب الكتاب يااااارب يفرح كل الناس بالوقت ده
تسلم ايديك على همساتك الدافئة ...

هبة فاروق يقول...

اتمنى لك كل التوفيق يا اسامه فى حياتك الجديده وان شاء الله ربنا يعوض صبرك خيرا ويززقك الزوجه الصالحه والذريه الطيبه

reemaas يقول...

:)


ده اول انطباع ليا يا سمسم لما قريت الكلام

انا كمان نفسى اسمع وحشتينى وبجد
نفسى اعيش كل ده ونفسى اقول كل ده
اختيار المشهد روعه :)

موقع بدايه يقول...

بدايه تتابعك وتنتظر منك المزيد
فالموقع يختار الافضل لديك وينشره باسمك
يسعدناتشريفك على صفحتنا
http://www.facebook.com/beedaya

جميله المصرى يقول...

السلام عليكم

بجد والله كلمات حضرتك جميله جداااا والاغنيه روعه وتحمل معانى جميله جداااااا ... انا مبسوطه جدااا انى قرأت لحضرتك موضوع فيه كلمات تحمل معانى امل وسعاده وحب .... ربنا يديم عليك السعاده والحب يارب ويجمعك بالانسانه الى بتحبها على خير يارب وميفرقشى بنكم ابدااااااااااااااااااااا

دمت بخل خير

اختك جميله أم مريم

miroooo يقول...

جميله اوى احاسيسك يا بشمهندس
الحقيقة كلمة وحشتينى دى تشمل كل شىء مثل ما وصفتها بالضبط وصف ممتاز لما تحمله الكلمة
ربنا يجمعكم على خير يارب
تحياتى

eng_semsem يقول...

faroukfahmy58
استاذنا الكبير يشرفني دوما تواجدك بين طيات كلماتي المتواضعه
اهلا بيك

eng_semsem يقول...

Noha Saleh
ربنا يجمع كل واحد فينا بنصه التاني
وكل اللي لاقى نصه التاني ربنا يسعدهم
اهلا بيكي

eng_semsem يقول...

غير معرف
استاذي غير معرف شرفني تواجدك ةتعليقك الذي زاد من قيمة كلماتي البسيطه ويسعدني وجودك وكنت اتمنى بتوقيع صغير حتى اعلم كيف اتحدث معك بصيغة الانثى او الرجل
ويشرفني تواجدك

eng_semsem يقول...

Afnan m7md
يسمع منك ربنا ويكون قريب الحدث الجميل ده وانا في انتظاره وربنا يوفق كل واحد في العثور على نصفه الثاني اهلا بيكي

eng_semsem يقول...

هبه فاروق
اختي الطيبه اشكرك لدعواتك الجميله التي اعلم يقينا انها نابعه من القلب

eng_semsem يقول...

reemaas
ان شاء الله تسمعيها وربنا يسعدك ويديم علكي الصحه والعافيه والسعاده
اهلا بيكي

eng_semsem يقول...

موقع بدايه
اهلا بيكم ويشرفني التواجد على صفحتكم

eng_semsem يقول...

جميله المصري
اهلا بيكي يا ام مريم وشرفني تواجدك وعلى فكره انا اللي عامل كمان الكليب يعني انا اللي مقطع الاجزاء من الفيلم ومركبها
سعدت بتواجدك ودعواتك الجميله

eng_semsem يقول...

miroooo
الاجمل تواجدك لدائم بين طيات كلماتي
ويارب اكون استحق كلامك الجميل وربنا يتقبل دعواتك
اهلا بيكي

;كارولين فاروق يقول...

وبحبك وحشتيني
اكيد يا اسامه بتقولها لحبيبتك ووطنك
ربنا يجمعكما الثلاث
ويوفقك في حياتك
رائعه يا اسامه
تحياتي وتقديري

غير معرف يقول...

اللللللله على احساسك بجد حلو اوى
الله يجمعك انت ومن تحب على خير دايما يا رب




حنين القلب
ام عمر

mrmr يقول...

ربنا يفرح قلبك يا اسامه
احساسك جميل ومرهف

eng_semsem يقول...

كارولين فاروق
تسلم دعواتك ويسلم وجودك اللي بينور مدونتي
اهلا بيكي

eng_semsem يقول...

حنين القلب ام عمر
نورتي مدونتي واسعدني جدا تواجدك ويارب تكوني دايما موجوده وتسمعيني رايك
اهلا بيكي

eng_semsem يقول...

مرمر
فينك من زمان مختفيه هنا وهناك
يارب تكوني بخير
اهلا بيكي