الاثنين، 5 سبتمبر 2011

حلم

حلم حلمت بيه زمان وبحاول أحققه وكنت بجري وراه بكل قوتي وبفكر في طريق يقربني منه وكل ما اقرب امسكه بايديه الاقيه لسه عالي عليا ابني وابني واحاول واجرب وامشي في طريق ويمكن اقرب وكل ما احس اني خلاص قربت اوصل ارجع احس اني بعيد ومحتاج اكتر بس الاراده جويا بتكبر واصراري جويا يكبر اكتر وارادتي وعزيمتى تقوى بيكي واحلم ببكره تكوني اجمل واحلى ومستني بكره ومهما يبعد هفضل وراه وهفضل اجري لحد ما الاقيكي في حضني وساعتها بس هعيش حلمي ومش هحتاج حلم تاني لانك معايا وانت كل حلمي.
وحشتني مصر وده اول بوست اكتبه وانا في بيتي وبلدي واللي نفسي اشوفها احسن واحسن ونحط ايدينا كلنا مع بعض عشان نعليها ونرفعها وترجع دوله تجبر الكل على احترامها واحترام اهلها مش مهم اختلاف افكارنا المهم نوحد اهدافنا .

هناك 24 تعليقًا:

موناليزا يقول...

نورت مصر:)

غير معرف يقول...

مساء الغاردينيا اسامة
والف الحمدالله على سلامة رجوعك
ويارب تشوف مصر اجمل وحلمك وحلم كل مصري يتحقق "
؛؛
؛
لروحك عبق الغاردينيا
كانت هنا
reemaas

حَنيّـن نِضال يقول...

ان شاء الله ربنا يحققلك حلمك و يحمي بلدك

مصطفى سيف الدين يقول...

طبعا حضرتك تقصد مصر اللي نفسك تحضنها مش كده ولا ايه؟
خلي بالك المكان محاصر
بس افتكر اني قلتلك :)
ههههههههههه
ربنا يحققلك حلمك يا اسامة

eng_semsem يقول...

موناليزا
مصر منوره بيكم وبكل اهلها
اهلا بيكي

eng_semsem يقول...

ريماس
الحمدلله انا راجع اجازه وبحلم انها تبقى احسن واحلى وان شاء الله تبقى احسن

eng_semsem يقول...

haneen nidal
يارب يحمينا كلنالويحمي كل البلاد العربيه والاسلاميه وترجع ليها هيبتها وندوق نعيمها
اهلا بيكي

eng_semsem يقول...

مصطفى سيف
ممكن اكون بدات الكلام بالي انت فكرت فيه بس فعلا في النهايه وصلت ان مصر محتاجه مننا كتير ومستنينا
اهلا بيك يا دكتور

رحاب صالح يقول...

ده انا احيانا بحسدك يا اسامة انك بعيد عن مصر
اه والله
بعيد عن الضغط النفسي والعصبي
بعيد عن المشكلات كلها
ولو اني عارفة انك اكيد برضه هتعاني من المشكلات دي بره مصر
كلنا بنتمني ان مصر تخرج لبر الامان
تبقي احسن واحسن
دايما اصلي وادعي
ويارب يكون الجاي احسن

سواح في ملك اللــــــــــــــــــه- يقول...

حمد الله علي السلامة

ايها المصري الاصيل

جايدا العزيزي يقول...

اولا الف حمدالله على السلامه

نورت بلدك

ثانيا جبتلى هديه ولا نستنى

هههههههه

ثالثا ربنا يحققلك حلمك اخى

ويسعدك دايما يارب

تحياتى

eng_semsem يقول...

re7ab.sale7
مفيش حاجه اسمها بره مصر احنا كلنا جوه نفس الحدث بالعكس احنا بتوصل لينا معلومات وحاجات بنبقى مش متاكدين منها وبتكون غلط
المهم يارب الخير لللمصللرل وكل المصريين
اهلا بيكي

eng_semsem يقول...

سواح في ملك الله
الله يسلمك ويسعدك واكون استحق فعلا لكلمة مصري واصيل

eng_semsem يقول...

جايدا العزيزي
اولا الله يسلمك
ثانيا بالنسبه للهديه هو في احلى من اني جيت هههههههههههه
ثالثا يارب مصر والمصريين كلهم يكونوا بخير

مدونة رحلة حياه يقول...

السلام عليكم
حمدالله ع السلامة يا باشمهندس منور الدنيا
حلو اشتياقك قوى لمصر وحلمك حلمنا كلنا
دومت بود

ツSmiLeY AnGeLツ يقول...

الف الحمدلله ع السلامة
نورت بلدك واهلك
وربنا مايحرمك منها ابدا ويارب تشوف بلدك احسن بلد واجمل بلد

تقبل مروري ^_^

kmhmhgfd يقول...

باذن الله تكون احلى سمسم
مع ان الايام دى انا مش متفائلة خالص
ربنا يستر :)

eng_semsem يقول...

مدونة رحل حياه
الله يسلمك يا محمد وانا فعلا كنت مشتاق جدا جدا لرؤيتكم ورؤية مصر

eng_semsem يقول...

خواطري مع الحياه
الله يسلمك يا رشا ويارب نشوف الهدوء والاستقرار لليمن والامن والامان لاهل اليمن
دمتي بخير

شهرزاد المصرية يقول...

حمدالله على سلامتك
كلنا نفسنا نشوف مصر مستقرة و أحسن بلد
ربنا يزيح عننا المشاكل الحالية يا رب

تحياتى

غير معرف يقول...

ربنا يسعد قلبك يا اسامه
وحمد لله على سلامتك
ونورت بلدك
وان شاء الله ربنا يحفظها من كل شر
والف مليون مبروك
ومبسوطه انى شوفتك بجد يوم اللقاء
وان شاء الله مش يكون اخر لقاء
:))

eng_semsem يقول...

zay maTigy
ان شاء الله هتكون احسن طول ما احنا بنحاول واللي كنا حاسين انه مستحيل زمان حصل دلوقتي
هتبقى احسن بينا ان شاء الله
اهلا بيكي

eng_semsem يقول...

شهرزاد المصريه
ربنا يحقق احلامنا ويجعل مصرنا وطن الامن والامان ان شاء الله

eng_semsem يقول...

الحب الجميل
بكره احلى بينا مش بالكلام بافعالنا ان شاء الله هنبني ونحمي بلدنا من اي شئ يضرها او يضر اهلها
وانا كمان مبسوط بكل اللي شوفتهم وقابلتهم وان شاء الله تتكرر ونحتفل مع بعض بمصر الامن والامان والهدوء والاستقرار
اهلا بيكي دائما يا ايمي