الثلاثاء، 26 يوليو 2011

رمضان كريم

كل سنه وانتم طيبين وبخير
هبدأ كلامي بالصلاه والسلام على خير خلق الله سيدنا محمد عليه الصلاة والسلام وبعد كده اهنيكم واهني نفسي بدخول الايام الاخيره من شهر شعبان واقبال شهر رمضان الكريم شهر المغفره والعفو والرضوان علينا كلنا ان شاء الله .
واحب اذكركم واذكر نفسي ان الشهر الكريم هديه من الرحمن لعباده فيه ليله خير من الف شهر وصيامه ركن من اركان الاسلام الخمسه وهو شهر الطاعات والتقرب من الله. 
اول حاجه هنبدأ بيها الشهر إعلان توبتنا عن المعاصي وعزمنا على الا نعود اليها ابدا.
ثاني حاجه اللسان هنحافظ عليه في شهرنا وبعده ان شاء الله وهناخد بالنا من الحاجات  اللي ممكن تبوظ صيامنا زي الغيبه والنميمه والكدب ونحاول يفضل ذكر ربنا على لسانا طوال النهار (سبحان الله والحمدلله ولا اله الا الله والله اكبر) .
ثالث حاجه قراءة القرآن هننوي من البدايه ان احنا نخلص القران ولو مره على الاقل في الشهر الكريم ومصحفك الصغير هيكون في جيبك في كل مكان عشان نقرا على قد ما نقدر طوال الشهر الكريم .
رابع حاجه هنحافظ على صلاة الجماعه ونكثر من الدعاء اثناء السجود لكل الناس ولنفسنا ولاوطاننا وجميع المسلمين وطبعا اكيد صلاة التراويح اوعى حد يكسل عنها يوم لان الكسل بيجيب كسل .
خامس حاجه شهر رمضان بنصوم ونحس بالجوع والعطش وده شعور في ناس بتحس بيه في غير رمضان من قلت المال يبقى لازم نفتكرهم ونعمل حسابهم في جزء من مالنا ونحاول نقدر مبلغ من اول الشهر نطلعه ولو على فترات ونفتكر صدقه معانا طوال الشهر وهي تبسمك في وجه اخيك صدقه بلاش نرفزه ونقول معليش عشان الصيام احنا عايزين نتعلم الصبر مش الغضب .
سادس حاجه وده مهمه جدا وهي صلة الارحام وهنحاول نخلي كل يوم في الشهر نزور حد من قرايبنا نعزمه يفطر معانا نقبل دعوته ونروح نفطر معاه نكلمه في التليفون نقابله في المسجد اللي بيصلي فيه وطبعا اهم الارحام الاب والام ودول مش محتاجين توصيه.
سابع حاجه زيارة المريض مش هنكسل لو عرفنا ان اي حد تعبان ونروح نزوره لان فيها ثواب كبير وبرده حضور الجنازات والصلاه والدعاء للميت لانها فيها ثواب كبير .
ثامن حاجه هنقرب من جيرانا ونفتكر ان النبي وصى على سابع جار ونتصالح مع اصدقائنا اللي في بينا وبينهم خلاف ونجعله شهر الموده ما بين الناس .
تاسع حاجه رد المظالم لاهلها افتكر كويس وراجع نفسك وحاسبها وشوف انت ظلمت مين ورد ليه حقه .
عاشر حاجه ابعد عن التلفزيون على قد ما تقدر وياريت لو يكون نهائي لان البرامج اللي هتيجي فيه هتضيع منك كل حاجه قولنا هنعملها وهتضيع وقتك ومجهودك وتركيزك في حاجه بعيده عن عبادتك .
وفي الاخير هقول تاني كل سنه وانتم طيبين ويارب يكون شهر كله خير وطاعه للجميع وتكون مع نهايته ننال العتق من النيران ومغفرة رب العالمين وطبعا لو حد عنده اضافه احب اسمعها ونسمعها كلنا ونستفيد اعاده الله علينا بالخير واليمن والبركات . 

هناك 43 تعليقًا:

موناليزا يقول...

ربنا يبلغنا رمضان ويعينا على صيامه وقيامه
وكل سنة وأنت طيب يا باشمهندس
ومش محتاجة أوصيك ماتنسانيش من دعائك :)

ليلى الصباحى.. lolocat يقول...

السلام عليكم
كل عام وانت الى الله اقرب
وللطاعات ادوم
تقبل الله منا ومنك صالح الاعمال

يارب تحقق كل ماتتمنى من خير اخى العزيز
وكل عام وانت وابنتك بكل خير وسعادة

دمت بحفظ الرحمن
تحياتى وتقديرى

مجداوية يقول...

السلام عليكم

اللهم بلغنا رمضان

ومعك في كل النقاط العشرة

هناك برامج مفيدة جدا في رمضان وهي لا تلهي عن ذكر الله بل كلها ذكر لله وفيها عبر وفوائد فعليكم بالبرامج والقنوات الدينية فقط فقليل منها لا يضير إن شاء الله

وكل عام وحضرتك وكل المسلمين بألف خير

كريمة سندي يقول...

كل عام وأنت بخير .. ربنا يكرمك ويكرمنا ويعيننا على الصيام والقيام

جدول عامر بالإيمان ما شاء الله تبارك الله

أرق التحايا

د/دودى يقول...

كل سنه و الكل بالصحه و السلامه...

ليس فقيرا من يحب يقول...

كل سنه وانت طيب يا سمسم

ربنا يكرمك ويجازيك خير ويبلغنا رمضان

ويجعلنا من المرحومين المغفور لهم وان يعتق رقابنا ورقاب ابائنا من النار

بعوده الايام

eng_semsem يقول...

موناليزا
مش هننسى بعض بالدعاء كلنا ان شاء الله
يارب ننول الرضا وقبول الدعاء
كل عام وانت بخير

eng_semsem يقول...

ام هريره
ربنا يتقبل منا صالح الاعمال ويعينا على ذكره وشكره وحسن عبادته
كل عام وانت بخير

eng_semsem يقول...

مجداويه
وعليكم السلام
البرامج الدينيه كلها فوائد ولكن اخاف من ضعف قلبي يسوقني الى قناة اخرى
كل عام وانت بخير

eng_semsem يقول...

كريمه سندي
ربنا يعينا ونعرف نحققه ويارب نزيد عليه كمان
كل عام وانت بخير

eng_semsem يقول...

د/دودي
كل عام وانت بخير

Casper يقول...

كل سنة وانت طيب
ويارب يبلغنا رمضان

eng_semsem يقول...

ليس فقيرا من يحب
يارب قدرنا ويتقبل اعمالنا ويغفر ذنوبنا
كل عام وانت بخير

Dr : Nour يقول...

كل رمضـــان و أنت بخير

تقبل الله منكم و منا صيامه و قيامه و صالح القول و العمل

سبحان الله ســ يأتى رمضان هذا العام و أنا فى فوضى تامة على كل المستويات

أتمنى ألا تطول تلك الفوضى و تكتب لىّ النجــاة

أشك فى ذلك ..!! ولكنها أمنيـــة

كل سنة و أنت طيب
رمضــــان كريم

سواح في ملك اللــــــــــــــــــه- يقول...

كل سنة وانت طيب يابشمهندس

مصطفى سيف الدين يقول...

كل سنة وانت طيب
بارك الله فيك يا سمسم
بس متنساش تعزمني على الفطار :)

الغاردينيا يقول...

زرتك بحسب الوعد :)

نصائج جميلة و لست ممن يقربون تلفاز قد امر والقي نظره لان بقية افراد الاسرة لدي لا يستطيعون الابتعاد عنه :) لكنني لست ممن يدمنوه

تحياتي و اللهم بلغنا رمضان

غير معرف يقول...

صباحك غاردينيا أسامة
وكل عام وأنت بخير
وكل عام وأنت الى الله أقرب
ورمضان كريم "
؛؛
؛
جزاك الله الف خير على ماقدمت
لروحك عبق الغاردينيا
reemaas

جايدا العزيزي يقول...

كل سنه وانت طيب يا طيب

طرح راقى اسمه

جزاك الله كل خير اخى

وجعله فى ميزان حسناتك

تحياتى

ツSmiLeY AnGeLツ يقول...

كل سنه وانت طيب
رمضان كريم
ويارب يمن عليك وعلى الجميع بالخير والبركات

ويتقبل الله منا صالح اعمالنا بهذا الشهر وكل الشهور

اعذرني على تقصيري

تقبل مروري ^_^

Unknown يقول...

اللهم صلي و سلم على سيدنا محمد

و رمضان كريم لكم جميعا

وشكرا على النصائح الطيبة

دمتم بخير

eng_semsem يقول...

casper
كل سنه وانت بالصحه والسعاده ويارب يبلغنا رمضان ويرزقنا حسن العمل فيه

eng_semsem يقول...

Dr : Nour
ان شاء الله تتحل كل الفوضى (فلما ضاقت حلقاتها واستحكمت فرجت)
وربنا يجعل رمضان عليكي احلى ايام في السنه
كل عام وانت بخير

eng_semsem يقول...

سواح في ملك الله
كل عام وانت بصحه وبخير وفي سعاده يا صديقي

eng_semsem يقول...

مصطفى سيف
ياريت ينفع اعزمك واقعد معاك مكنتش هتاخر ولا هفكر يا صديقي العزيز وان غدا لناظره قريب
كل عام وانت بخير

eng_semsem يقول...

الغاردينيا
كل عام وانت بخير
ومن شيم الكرام الوفاء بوعدهم ومدونتي نورت بوجودك وكل سنه وانت بالصحه والسلامه

باحث عن حب يقول...

كل سنه وانت طيب يا اسامه يارب يوفقك الى طاعه الله يارب

eng_semsem يقول...

ريماس
كل سنه وانت طيبه وبخير
ويارب يكون شهر مبارك عليكي وعلى الجميع
وربنا يرزقنا المغفره والعفو في الشهر الكريم

eng_semsem يقول...

جايدا العزيزي
وانت طيبه يا اختي الكبيره والعزيزه عليا
ويارب يكون شهر كله خير علينا وعلى كل المسلمين
كل عام وانت بخير

eng_semsem يقول...

خواطري مع الحياه
وانت بالصحه والسلامه اختي رشا ويارب تكوني بخير وفي سعاده وطاعه للمولى دائمه لا تنقطع باذن الله
كل عام وانت بخير

eng_semsem يقول...

شباب الرياضيات
عليه افضل الصلاه والسلام
اختي وئام منوره مدونتي المتواضعه وكل عام وانت بخير وصحه

eng_semsem يقول...

محمود باحث عن الحب
وانت بالصحه والسلامه وربنا يقوينا ويعينا على طاعته ويغفر لنا ويرحمنا في شهره الكريم
كل عام وانت بخير

Carmen يقول...

اللهم بلغنا رمضان :)

كل سنة وانت طيب ياباشمهندس

تقبل مرورى

آخر العنقــــــود يقول...

كل سنة وانت طيب
ويارب يبلغنا رمضان وهو راض عنا
جزاكم الله كل خير

eng_semsem يقول...

carmen
وانت بالصحه والسلامه يا سمسمه ويارب يكون شهر خير ويمن وبركات علينا كلنا

eng_semsem يقول...

اخر العنقود
كل سنه وانت بخير وصحه وعافيه وفي طاعه ورضا من الرحمن

غير معرف يقول...

كل عام وانت طيب وبخير يا أسامه


۩ رمضان كريم ۩

eng_semsem يقول...

الحب الجميل
وانت بالصحه والسلامه وبخير وجعله الله عليك شهر خير وطاعه ورضوان من الله
كل عام وانت بخير

من كل بستان زهرة يقول...

كل سنه وانت طيب يا بشمهندس

ربنا يتقبل صيامك وقيامك

رشيد أمديون يقول...

السلام عليكم

جزاك الله خيرا على هذه التذكرة.
وأهنئك بحلول شهر رمضان، تقبل الله منا ومنك وهدانا لما فيه الخير.

eng_semsem يقول...

من كل بستان زهره
كل عام وانت بخير وسعاده جعل الله في شهرنا هذا عملا متقبلا مبرورا وتقبل صيامنا وقيامنا وصالح اعمالنا

eng_semsem يقول...

ابو حسام الدين
وعليكم السلام
تقبل الله منا ومنك صالح الاعمال وجعلنا من عتقائه من النار في هذا الشهر الكريم

.. Asmhan .. يقول...

كل عام وانت إلى الله أقرب