السبت، 9 أبريل 2011

مجرد ذكرى

تمر الايام سريعا دون توقف وتدور احداثها من حولي ولا املك القوة على تغيير احداثها وهذا اليوم يحمل ذكرى لا اعرف لها وصفا فهو يوم ميلاد ابنتي وقد حاولت ان اقلب داخل راسي عن افكار او مجرد ذكرى تجمعنا فوجدت اني لا احمل شيئا .
عند ولادتها لم اكون موجود ولم ارها ولم اعلم انها جاءت الى الدنيا الى بعد ان اكملت اكثر من عشر ة ايام فيها ولم ارها الا بعدما اصبح عمرها اربعة اشهر  وكانت تلك الاولى والاخيره وعندما جاء عيد ميلادها الاول لم يختلف الوضع فلم اكن معاها ولم ارها وهذا هو عامها الثاني ياتي ايضا بلا ذكرى .
ولكن ذهبت بيا راسي الى اخر موقف كان يربطني بها عندما ابلغتني امها انها تريد الكلام معي واخبرتني انها ستحضر ابنتي معها وفرحت برؤية ابنتي ولم اكن اتوقع حلا للمشاكل ولكن كان يكفيني ان ارى ابنتي مرة اخرى ولكن كان نهاية حلمي واملي غير ذلك وقد نلت عقابي لغبائي ودفعت الثمن بان ابات ليلة في قسم الشرطه واتوجه للنيابه في الصباح .
ولم تكن اسوأ ليله قضيتها في حياتي ولكنها ليلة لا تنسى من ذاكرتي ومضت الايام ولم تترك في قلبي الا مجرد ذكرى احملها داخل صدري وتذكرني دوما احذر من حب جارف يدفعك الى بنتك ولكن سيؤدي يوما الى موتك .
لم يبقى منها معي الا تلك الصوره التي ارسلها الي شخص عزيز وقريب منهم في شهر رمضان الماضي فهل تغيرت تلك الصوره الان هل نطقت بكلام هل مشيت واحتاجت ان وقعت او مالت رجليها من يسندها لا اعلم والاكثر تعذيبا لي هل من الممكن ان تكون الصوره لطفلة اخرى وليست صورة بنتي لا اعلم لا يوجد ما يربطني بها الا تلك الذكرى التي اتمنى ان أنساها .

هناك 42 تعليقًا:

ليلى الصباحى.. lolocat يقول...

السلام عليكم

أأأأأأأأه يا اخى وجعت قلبى اوى اوى
يارب يجعل لك مخرج يارب ويعوضك خير
مش عارفة اقولك شىء ابدا غير انى ادعيلك بالخير وان ربنا يهيىء لك من امرك رشدا ويخليهالك ويباركلك فيها

ربنا معاك بجد

كل سنة وانت وهى بخير وسعادة وان شاء الله المستقبل يكون اجميل للجميع

تحياتى لك وتقديرى

د/دودى يقول...

جميل جدا التصوير ده...خاطره ممتعه جدا

بنوتة مصرية يقول...

كل سنة وانت وبنتك طيبين وبخير

Casper يقول...

بوست جميل رغم نبرة الحزن النابعة من أحرفه

خالص تحياتي

موناليزا يقول...

محدش عارف بكره فيه إيه
ولا حد عارف الخير فين

اعتبره ابتلاء واصبر عليه

مش عارفة اقول ايه ولكن نشاطركم هذه المشاعر

رحاب صالح يقول...

السلام عليكم
صعب اووي
وفاهمة وحاسة الاحساس ده
ويمكن فكرت بنفس كلامك اللي انت قلته
و....برضه ميحسش بالشيء غير اللي فيه مش اللي بعيد عنه
ربنا معاك
بدعي لك دايما

eng_semsem يقول...

ام هريره
سلامة قلبك وغصب عني ويارب يبارك فيكي على دعواتك ويارب مفيش في ايدي غيره ولا حاجه اعملها غير اني ادعي
اهلا بيكي

eng_semsem يقول...

د /دودي
الصوره منقوله من واقعي والخاطره خرجت من قلبي وهذا حالي انما اشكوه لله القوي المتعالي

eng_semsem يقول...

بنوته مصريه
كل سنه وانت بخير ويارب تكون السنه اللي جايه احسن بس المشكله احساسي باني عاجز وتايه ومش عارف اعمل حاجه

eng_semsem يقول...

casper
نبرة الحزن لم تخرج من حروفه ولكنها دمعات من قلبي ارسلتها في كلمات

eng_semsem يقول...

موناليزا
وصابر ومفيش بايدي غير الصبر ومستني الفرج يجي ومش عارف اروح ليه
اهلا بيكي واشكرك على مشاركتك

eng_semsem يقول...

rehab saleh
صعب جدا بس لازم اعيش معاه لانه مش هيفارقني قريب وبحاول اتعود عليه لانه هيلازمني كتير ويارب يكتب ليا اللي فيه الخير

غير معرف يقول...

ضاقت فلما استحكمت حلقاته فرجت وكنت اظنها لا تفرج
اكيد ربنا عاينلك الاحسن والخير ان شاؤ الله

ツSmiLeY AnGeLツ يقول...

ان شاءالله يجي اليوم الي تشوفها وتاخذها بحضنك
وتقول لك بابا
خلي يامانك بربنا كبير
ماضاقت الاوفرجت وان شاءالله بتفرج وبتشوفها معاك وتحبك
كل سنه وهي طيبة ويارب تجتمع انت وياها وتشوفها معاك وجمبك
تقبل مروري ^_^
سلامي ليك ايخ اسامة.

مصطفى سيف الدين يقول...

باذن الله ستعود اليك ابنتك لكي ترسم البسمة على قلبك
ثق في الله الذي يجعل لكل هم فرجا
ضاقت فلما استحكمت حلقاتها فرجت وكنت اظنها لا تفرج
تحياتي واتمنى ان تعود ابنتك مرة اخرى لاحضانك

غير معرف يقول...

يا اسامة انت شكلك اتعد يت وبقيت بتحب النكد عشان المثل بيقول لاتعايرني ولا اعايرك ده الهم طايلني وطايلك
يعني انتو كمان الرجالة بتعرفو تبقى نكد بردو .....ماشي؟؟؟؟؟
ماتقلوش نكد دي تاني
بعد كده
يعني انت بتنكش على الحاجة اللي تزعلك وتفكر نفسك بيها؟
بطل المود الكئيب ده بقى والله كلنا زعلانين وعايزينك تبقى موجود ولو ما صحصحتش وفوقت كده وجيت الراديو مش هاسمعه معاكم
وطبعا انت هاتضرب اسداس في اخماس عشان تعرف مين صاحب التعليق وانا بعينك مش هاقولك
انا مين وبالعند فيك مسحت كل حرف جيم زياجدة عشان ماتعرفش انا مين

Carmen يقول...

اصبر وما صبرك الا بالله :)
ربنا سبحانه وتعالي مش بيضيع حق حد , استعين به وصدقني هو وحده قادر يطمنك
ربنا يجمعكم علي خير قريب يارب وكل سنة وهي طيبة وباذن الله هتطلع اجمل واحلي بنوتة :)

mrmr يقول...

تجسيد رائع

ربنا يفرح قلبك

eng_semsem يقول...

غير معرف
وانا كلي لهفة وانتظار للفرج

eng_semsem يقول...

خواطري مع الحياه
ان شاء الله هيجي اليوم ده قريب وكلي امل ورجاء في رحمة ربي
اهلا بيكي يا رشا

eng_semsem يقول...

مصطفى سيف
وهذا كل ما امناه يا اخي العزيز
منوراني

eng_semsem يقول...

غير معرف (اليكس مون )
انا مش بفكر نفسي بس نفسي بتفكرني وانا ممكن انسى حاجات كتير بس في حاجات مستحل تتنسي وربنا يسهل انا معاكم بعد انتهاء مقاطعة الفيس هكون موجود.
يا تيته نسيتي حرف ج زياده في اخر جمله
تقبلي تحياتي واعتذاري

eng_semsem يقول...

carmen
يارب يا سمسمه اشوفها من تاني واخدها في حضني ومحدش يحرمني منها ولا يحرمها من ابوها
اهل بيكي

eng_semsem يقول...

mrmr
تجسيد الواقع اسهل من التخيل والابداع وهذا حالي والى الله اشكو ضعفي وقلة حيلتي
ربنا يفرح قلوب كل المصريين

غير معرف يقول...

ستعود ملك ان طال الزمن او قصر
ستعود لك وترسم الابتسامه و البهجه فى قلبك يا ابو ملك


تفأل خير يا أبو ملك
وان شاء الله ربنا هينصرك على الظالمين
و عن اللى بعدك عن بنتك

وعن قريب هتكون معاك بنتك ان شاء الله

ربنا يقوكى صبرك وايمانك بالله

غير معرف يقول...

كل سنه وملك طيبه وبخير يارب
وعقبال مليون سنه

افروديت يقول...

السلام عليكم

مش عارفه اقولك أيه بجد

بس هقولك اللي قلته قبل كده وهفضل أقوله

"ملك هتيجي بكره لوحدها" فكرفي اليوم ده اماتيجيلك هتقابلهاازاي وهتقولهاايه

أسامة أصبروتوكل علي الله ومستحيل هيخيب ظنك

تحياتي

غير معرف يقول...

السلام عليكم و رحمة الله و بركاته اخواني اخواتي الأعزاء . أردة أن أدعو اخواني الغاليين لزيارة مدونة الامل و اعطائي رأيكم فيها
تقبلو مني فائق الاحترام و التقدير

سلام

الاحلام يقول...

كلمات يتوجع بها القلب وتهز الاحاسيس فهما اصعب هذه المواقف
سردرائع امتعتنا به تقبل تحياتى الاحـــــــــــلام

Asmaa Amer يقول...

ان شاء الله ربنا هيجمعك بيها على خير
يوست جمبل أوى برغم الحزن اللى بين السطور

Unknown يقول...

لا حولا ولا قوة الا بالله العلي العظيم ان شاء الله ربنا يجمعكم مع بعض ف الخير من تانى ويهدي امها بقى

eng_semsem يقول...

الحب الجميل
وانا في انتظار عودتها الى احضاني يا ايمي وصابر وراضي بنصيبي وقسمتي
اهلا بيكي

eng_semsem يقول...

افروديت
يارب يا سما ترجع ويسمع منك ربنا وانا مفيش في ايدي غير الصبر وحسبي ربي عليه توكلت واليه المصير
منوراني

eng_semsem يقول...

الاحلام
يارب محدش يدوق احساسي ولا يعرفه وكل اب يعيش وبنته في حضنه ومفيش بنت تتحرم من ابوها
اهلا بيك

eng_semsem يقول...

asmaa amer
يارب يكون قريب وتكون في حضني لاخر يوم في عمري
اهلا بيكي

eng_semsem يقول...

mena
ربنا يجمعني ببنتي على خير اما حكاية ربنا يهدي مراتي او ياخدها او يعمل فيها اي حاجه ده شئ ما يخصنيش ولا يفرق معايا انا اللي يهمني اشوف بنتي
اهلا بيكي وكل سنه وانت طيبه

D : Nour يقول...

الســلام عليكم و رحمة الله و بركاته


بمعنى ..!!
هل هذا حنين و ذكرى
أم ..
فقد يقين و يأس ..!!

لا أعلم حقيقة ما يدور بداخلك
و لكن ما أستطيع قوله
أنه بيديك الكثير
< ملك > موجودة ولن يستطيع أحد مهما كان أن ينكر أبوتك لها

ربما عز اللقاء بسبب بُعدك عنها
و لكن الوضع مختلف إذا كنت بجوارها
و لن يحرمك أحد من رؤيتها
هى إبنتك و أنت أبوها
و فى قانون .. إذا كانت الأمور السلمية لا تُجدى

بمعنى أصح الموضوع منتهى و محسوم

و لكنى أراك تفقد اليقين بوجودها من حال الأصل
و هذا فى حد ذاته ظُلم لها
فيكفى ظُلم أمها لها فى جعلها تحيا حياة سوية

ربنا يقرب البعيد و تسعد برؤيتها فى القريب العاجل بإذن الله

أمنياتى .. تحياتى

rainbow يقول...

أخى ..
كن مطمئناً سوف تراها و تراك .. وبقوة القانون والواقع الإنسانى .. لا أعرف أبعاد المشكلة ولكن أعرف جيداً الألم و الاحساس بفقدان فلذة الكبد ..

مقالك أحزننى جداً ..

وضحكت كثيراً على تعليق د/دودى
اللتى تقول لك جميل جداً التصوير ..واعجبتها الخاطرة ..!!!
لا تعليق
.
تحياتى لك

دعاء العطار يقول...

" ثم قست قلوبكم من بعد ذلك فهى كالحجارة أو أشد قسوه وان من الحجاره لما يتفجر منه الانهار وان منها لما يشقق فيخرج منه الماء وان منها لما يهبط من خشية الله "

ياااااااااه على قسوة قلوب البشر

معقول توصل القسوه انها تمنع عنك رؤية بنتك ؟

ادعوا الله فهو الرحمن والعدل

ربنا يفرح قلبك بيها يااارب

دمت بكل الخير

eng_semsem يقول...

d nour
اختى العزيزه بعد انتهائي من كل المحاولات السلميه رفع قضية رؤيا في شهر 11 عام 2009 والى الان لم يصدر حكم نهائي اما حتة فقدان اليقين بوجودها انا عايزك تتخيلي الوضع انا علاقتي ببنتي زي علاقتك انت بيها بالظبط مفيش اي حاجه اعرفها حتى الصوره مش متاكد ميه في الميه هي صورتها ولا ايه
بس املي في ربنا كبير
اهلا بيكي دائما

eng_semsem يقول...

قوس قزح
انا في انتظار هذا اليوم بفارغ الصبر
تحياتي لكي

eng_semsem يقول...

دعاء العطار
اشكرك على دعواتك واتمنى من الله ان يكون ليا نصيب منها في القريب العاجل
اهلا بيكي