وحشتيني

قد ايه كلمه كبيره ومليانه احساس .... قد ايه كتير بيكون نفس كل واحد يسمعها وبيكون مبسوط وهو حاسس بيها قد ايه انا حاسس انها مش كفايه عشان تقول كل اللي جوايا .
الحقيقه وحشتيني كلمه بسيطه تختصر حاجات كتير تبدأ  بنفسي اشوف عينيكي وياريت لو المس ايديكي والاجمل انك تكوني معايا في كل ثانيه جايه في حياتي . 
نفسي اقولك حاجات كتير بس مش لاقي كلام ينفع يعبر او يوصل كل حاجه وبزعل قوي لما بحس اني اساسا ما عملتش ولا قولت اي حاجه احيانا بقول انك اكيد عارفه كل حاجه عايز اقولها بس حقك لازم تسمعي ولازم اقول كل حاجه بس قلبي معندوش لسان ومش بيعرف يقول كل حاجه لعقلي وحتى عقلي مش بيعرف يترجم كل كلام قلبي طيب اعمل ايه .
اقولك اكيد في يوم هعرف اخدك في حضني وساعتها قلبي هيكون جنب قلبك واكيد هيفتن ما هو مش بيعرف يخبي حاجه عنك بس  ساعتها برده هتوحشيني حتى وانت جنبي.
 عارفه ده احلى احساس في حياتي على قد ما دايما يخليني سارح بفكر وتايه في دنيتي على قد ما بيخليني احس ان ليا دنيا وفي سبب عشان اعيش وبفكر في بكره امتى هسمع صوتك وامتى اشوفك وامتى .... وامتى ياااااااااااه حاجات كتير ومتاكد لو كل اللي قولته اتحقق انا طماع ايوه عارف نفسي اكيد هعوز برده اكتر .
يارب اجمعني بمن احب في خير وعلى خير وارزقنا الحلال وارضني به ولو كان قليل وباعد بيننا وبين الحرام ولو كان كثير وارزقنا الذريه الصالحه .

أمي

والدتي العزيزه /
أعتذر لك عن تقصيري وعدم حضوري فهناك آلاف الاميال تفصل بيننا وكنت اتمنى ان اكون بجوارك وأقبل يدك الحانيه التي كانت دوما مصدر ازالة الهموم من على جبيني كنت اتمنى ان اقول لك كل عام وانت بخير كل عام وانت ملكة متوجه في منزلنا المتواضع كل عام ونحن مجتمعون حولك نتمنى رضاكي عنا .
اعلم انها ليست اول مره أعتذر فيها عن عدم تواجدي معك فأنا دائما في حالة ترحال منذسنوات ولكنك دائما في القلب معي اينما كنت واينما رحلت.
عذرا سيدتي ستكون هديتي هذا العام بضع كلمات فأقبليها مني واعلم انك سرعان ما ستردي عليا هديتي في وقتها بدعوات تنير طريقي وتبعث في قلبي السعاده والاطمئنان ومازالت اشعر دوما بالتقصير تجاهك ولكنك دائما ما تجعليني اشعر انني فعلت الكثير والكثير .
امي .. اعطاك الله الصحه والعافيه ورزقك السعاده وراحة البال .

مارس

دوما كان هذا الشهر يحمل طابع مميز داخل قلبي وحاولت مرارا ربط الاحداث بهذا الشهر لا أعرف ما سر حبي له فأحيانا كنت أتذكر أن في هذا الشهر أبحث عن ملابسي الصيفيه حيث يبدأ الجو في الاعتدال نعم تلك الملابس تشعرني بالحريه والانطلاق تشعرني بالحياه فقد مرت شهور وانا تحت المعاطف والملابس الثقيله التي تكاد تخفي كل ملامحي والوان الصيف المميزه فقد كان الشتاء يحمل الوانا داكنه في اغلبها والآن أستطيع ان استنشق الهواء وأشعر برائحته الذكيه منذ شهور وانا احاول تجنبه قدر الامكان .
سأفتح نافذتي لارى الازهار تتفتح وأرى الاشجار يكسوها الاوراق أسمع صوت العصافير تغرد وتغني وتنشد احلى الالحان وأراها تتسابق وتجري بين الاغصان ما أبهى اللوحه وما ابهى المنظر سبحان مدبر الاكوان صنع فأبدع .
شعور بالراحه بين برد الشتاء القارص وفصل الصيف الحارق نعم أعشق هذا الشهر وربما لا يكون هذا السبب أو ربما يكون هذا جزء من السبب والجزء الاخر يرجع لان هذا الشهر يحمل ذكرى  جميله ننتظره لنحتفل ففي هذا الشهر عيد الام وايضا عيد ميلاد أمي الحبيبه وعيد ميلاد اختي الكبيره  جعل الله كل ايامهم اعياد.
وبغض النظر عن الاسباب فأنا اعشق هذا الشهر وأشعر بانه افضل ايام العام .

لو سأل

لو سأل عليا .......... قولوا ليه نفسه يكون زيك 

(بابا)

لو سألت عليا ....... قولوا أبنك كبر يا حاجه مش تقلقي قوي كده 

(ماما)

لو سأل عليا......... قولوا ليه اخيرا افتكرت تسأل 

(واحد صاحبي )

لو سألت عليا ...... قولوا نفسه يكون معاكي وبيتمنى يشوفك.

(بنتي)

لو سأل عليا ....... قولوا نفسه يرحيك بس مفيش عنده علاج غير الصبر .

(قلبي)

لو سألت عليا ...... قولوا جنبك ومعاكي في كل مكان .

(حبيبتي)

لوسأل عليا........قولوا هوكمان بيدور عليك

(النوم)

لوسألت عليا .....قولوا نفسه يكون موجوديوم فرحك

(اختي)

لوسأل عليا...... قولوا هو كمان نفسه يشوفك في الحقيقه

(الحلم)

لو سألت عليا ....قولوا سكوتك احسن من كلامك والافضل عدم وجودك في حياته

(واحده وخلاص)

لو سأل عليا ...... قولوا نفسه يساعدك بأي شكل .

(أهل سوريا )

لو سألت عليا ..... قولوا عمري مش خساره فيها ودمي فداها 

(مصر)

لو سأل عليا ....... قولوا بيحلم باليوم اللي يحطمك ويزيل وجودك من الكون .

(الكيان الصهيوني)

لو سألت عليا ..... قولوا موجود ومستعد وجاهز للجهاد من أجل تحريرك

(القدس)